н шчыра займаецца практыкай йогі і ўрэшце, праз мноства жыцьцяў, цалкам ачышчаецца ад матэрыяльнае гнюсі, здабывае духоўную дасканаласьць і дасягае вышэйшае мэты.

ТЭКСТ 45

прайатнад йатаманас ту
йогі самшуддха-кілбішах
анека-джанма-самсіддхас
тато йаті парам гатім

прайатнат - настойлівымі заняткамі; йатаманах - які прыкладае намаганьні; ту - і; йогі - йог; самшуддха - які ачысьціўся; кілбішах - ад усіх грахоў; анека - пасьля вялікага мноства; джанма - жыцьцяў; самсіддхах — хто дасягнуў дасканаласьці; татах - потым; йаті - прыходзіць; парам - да вышэйшай; гатім - мэты.

Ён шчыра займаецца практыкай йогі і ўрэшце, праз мноства жыцьцяў, цалкам ачышчаецца ад матэрыяльнае гнюсі, здабывае духоўную дасканаласьць і дасягае вышэйшае мэты.

КАМЭНТАР: Нарадзіўшыся ў сям'і багатых і шляхетных людзей, праведнікаў ці ўзьнёслых адданых, палы йог усьведамляе, што ён мае ўсе магчымасьці для заняткаў йогай. Тады рашуча бярэцца за сваю незавершаную працу й паступова ачышчаецца ад усяе матэрыяльнае гнюсі. Цалкам ачысьціўшыся, ён нарэшце дасягае вышэйшае дасканаласьці - здабывае сьвядомасьць Крышны. Сьвядомасьць Крышны - вышэйшая ступень працэсу ачышчэньня. Гэта пацьвярджаецца ў «Бхагавад-гіце» (7.28):

йешам тв анта-гатам папам
джананам пунйа-карманам
те двандва-моха-нірмукта
бхаджанте мам дрідха-вратах

«Пасьля вялікага мноства жыцьцяў, прысьвечаных набожнай дзейнасьці, чалавек цалкам ачышчаецца ад матэрыяльнае гнюсі й выходзіць з-пад улады ілюзорнай дваістасьці. Тады ён з рашучасьцю прысьвячае сябе трансцэндэнтнаму любоснаму служэньню Госпаду».

ТЭКСТ 46

тапасвібхйо 'дхіко йогі
джнанібхйо 'пі мато 'дхіках
кармібхйаш чадхіко йогі
тасмад йогі бхаварджуна

тапасвібхйах - чым аскеты; адхіках - больш вялікі; йогі - йог; джнанібхйах - чым мудрацы; апі - таксама; матах - які лічыцца; адхіках - больш вялікі; кармібхйах - чым тыя, хто займаюцца кармічнай дзейнасьцю; ча - таксама; адхіках - больш вялікі; йогі - йог; тасмат - таму; йогі - йогам; бхава - стань; арджуна - о Aрджуна.

⇐ Предыдущая 12 13 14 15 16 17 18 192021 Следующая ⇒