Астана: Дарын, 2010. жылғы аудандық химия олимпиадасының есептері. ауд. Пириттің жануы. 5 балл.. ауд. Химиялық өзгерістер тізбегі. 6 балл.. ауд. Қоспа. 7 балл.. ауд. Қоспа. 8 балл.. ауд. Қоспа. 9 балл.

Стр 1 из 41Следующая ⇒

Бекішев Қ.

Аудандық

химиялық олимпиада есептері

(2006-2010)

Астана: Дарын, 2010

2006 жылғы аудандық химия олимпиадасының есептері

8 сынып

№8-1-2006 ауд. Пириттің жануы. 5 балл.

Пириттің белгілі бір үлгісін жаққанда оның массасы 20% кеміген. Түзілген қоспадағы заттардың массалық үлестерін табыңыздар.

№8-2-2006ауд. Химиялық өзгерістер тізбегі. 6 балл.

Келесі химиялық өзгерістерге сәйкес реакция теңдеулерін жазыңыздар:

S ® ZnS ® H₂S ® SO₂® H₂SO₄ ® Na₂SO₄ ® NaCl.

№8-3-2006ауд. Қоспа. 7 балл.

Газ тәрізді қоспадағы сутектік массалық үлесі – 35%, азоттікі 65%. Газдардың қоспадағы көлемдік үлестерін және газ қоспасының сутек бойынша тығыздығын анықтаңыздар.

№8-4-2006 ауд. Қоспа. 8 балл.

СО₂ және SО₂ газдарынан тұратын қоспадағы оттегі атомдарының (О) массалық үлесі – 0,6. Газдар қоспасының гелий бойынша тығыздығын табыңыздар.

№8-5-2006ауд. Қоспа. 9 балл.

Жалпы массасы 15,5 г Ca(OH)₂, CaCO₃ және CaSO₄ қоспасын тұз қышқылымен өңдегенде 1,12 л (қ.ж.) бөлінді және 6,80 г ерімейтін қалдық қалды. Қоспадағы Ca(OH)₂ компонентінің массалық үлесін табыңыздар.

9 сынып

№9-1-2006ауд. Қоспа. 5 балл.

Мырыш пен оның нитратының қоспасын ауада қыздырғанда, оның массасы өзгермеген. Қоспадағы мырыштың массалық үлесін анықтаңыздар.

№9-2-2006ауд. Ерігіштік. 6 балл.

Калий хлоратының 100 г судағы ерігіштігі: 70⁰С кезінде - 30,2 г, ал 30⁰С кезінде – 10,1 г. 70⁰С кезінде қаныққан 70 г ерітіндіні 30⁰С дейін суытқанда қанша грамм калий хлораты бөлініп тұнбаға түседі?

№9-3-2006ауд. Жұмбақталған заттарды анықтау. 7 балл.

Жабық ыдыстарда А және В газдары берілген. А газының жағымсыз иісі бар, В газы – тұншықтырғыш. А газы оттекпен әрекеттескенде 5,4 г су және С газы түзіледі. С газы ауада оңай қоңыр түсті Д газына айналады. В газы суда өте нашар ериді, оның ерітіндісі лакмусты қызыл түске бояйды. В газының судағы ерітіндісіне күміс нитратын қосқанда 14,35 г ірімшік тәрізді ақ тұнба түзіледі. А мен В газдарын бір-біріне қосқанда Е тұзы түзіледі. Қыздырғанда ол қайтадан А және В газдарына ыдырайды. А, В, С, Д, Е заттарын анықтап, олардың формулаларын және тиісті реакция теңдеулерін жазыңыздар.

12 3 4 5 6 7 8 9 10 Следующая ⇒