Главная

Контакты

Случайная статья

• Автоматизация
• Антропология
• Археология
• Архитектура
• Биология
• Ботаника
• Бухгалтерия
• Военная наука
• Генетика
• География
• Геология
• Демография
• Деревообработка
• Журналистика
• Зоология
• Изобретательство
• Информатика
• Искусство
• История
• Кинематография
• Компьютеризация
• Косметика
• Кулинария
• Культура
• Лексикология
• Лингвистика
• Литература
• Логика
• Маркетинг
• Математика
• Материаловедение
• Медицина
• Менеджмент
• Металлургия
• Метрология
• Механика
• Музыка
• Науковедение
• Образование
• Охрана Труда
• Педагогика
• Полиграфия
• Политология
• Право
• Предпринимательство
• Приборостроение
• Программирование
• Производство
• Промышленность
• Психология
• Радиосвязь
• Религия
• Риторика
• Социология
• Спорт
• Стандартизация
• Статистика
• Строительство
• Технологии
• Торговля
• Транспорт
• Фармакология
• Физика
• Физиология
• Философия
• Финансы
• Химия
• Хозяйство
• Черчение
• Экология
• Экономика
• Электроника
• Электротехника
• Энергетика

ЗОНДАБИ ÆМÆ ÆРРАБИ

ЗОНДАБИ ÆМÆ ÆРРАБИ

«Дон хæссæм тæсчъы!» —

Загъта Æрраби.

«Уый та куыд фæтчы?» —

Фарста Зондаби.

«Хур ма æрисæм!» —

Сдзырдта Æрраби.

«Нæй йæм ысхизæн»,—

Загъта Зондаби.

«Слæууæм нæ сæртыл!» —

Ратæвд Æрраби.

«Ма фæзм æвзæрты!» —

Домдта Зондаби.

«Басудзæм кæрдæг!» —

Сцырд та Æрраби,

«Фос та цы хæрдзæн?» —

Батыхст Зондаби.

«Аппар дæ чиныг!» —

Домдта Æрраби.

«Афтæ нæ чины»,—

Фенкъард Зондаби.

«Æз дæн «зондаби!» —

Загъта Æрраби.

«Уæд æз — «æрраби!» —

Бахудт Зондаби.

ÆНÆХСАД ЛÆППУ ÆМÆ БАБЫЗ

«Бабыз, бабыз,

Сырхкъах бабыз,

Узгæ-узгæ,

Сындæг-сындæг,

Дæ лæппынты

Кæдæм кæныс?

Цæуыл уасыс:

Бапп-бапп?»

«Мæ бабиты

Найынмæ кæнын,

Уыдзысты мын

Дуду-сыгъдæг.

Дæуæн та ис

Дæ фындзы бын

Гаппар!

Бапп-бапп».

8-Æ ММАРТЪИ

Абон — 8-æм, 8-æм мартъи!

Арфæ дын кæнæм, нана.

Бирæ рухс бонтæ ма царды

Хъуамæ фенай ды нырма.

Мах уыдзыстæм космонавттæ.

Мæймæ балц куы кæнæм, уæд

Махæн ды зæгъдзынæ афтæ:

«Цæй, уæ нау фæндараст уæд!»

ИРИДÆ

Иубон райсом дын мæнмæ

Дуар уæздан æрбахост.

Байгом æй кодтон, æмæ

Гыццыл чызг æрбахызт.

— Мидæмæ! Æгас цæуай!

Ды кæй дæ 'мæ чи дæ?

— Æз дæн мамæйы чызгай,

У мæ ном Иридæ.

— Замманай ном у, уæздан.

Гъы, цы хур, цы къæвда?

Чызг мын радзырдта: æз, дам,

Агурын æмдзæвгæ.

— Цы? Æмдзæвгæ!.. Уый зын нæу,

Ууыл та цы тыхсыс?

— Æз дæр уымæн ссардтон дæу:

Ахæмтæ фæфыссыс.

Райдыдтон ын æз кæсын,

Хъусы мæм Иридæ.

— Цæй, куыд у? — зæгъгæ, фæрсын.

— Дарддæр! Иннæ! Иннæ!

Райдыдтон кæсынтæ ног,

Дарддæр — карзæй-карздæр! —

«Рувас», «Уæрцц», «Дызгъуын», «Коко»

Стæй ма — «Хъæды арс» дæр...

— Адон та? — зæгъын.

— Мæ-гъа...

Нæ... цыма сæ иу дæр...

Æмдзæвгæйы хъуамæ уа

Афтæ фыст — И р и д æ.

Æмæ ахæм фыст кæнын

Кæд нырма нæ зоныс,

Бахатыр кæн, фæлæ мын

Уæд фыссæг цы хоныс?

Цæй, поэт нæ дæн, фæлæ

Дæн ирон уæддæр та:

Азилæн кодтон æмæ

Рахастон цыдæртæ.

Зæгъын: — Фынгмæ дæр æркæс! —

..Бацымдта мæм иу цай.

— 'Рбацæудзынæн ма дæм æз:

Чи зоны, ныффыссай,—

Загъта мын æмæ цæуын

Сфæнд кодта сæхимæ.

Уазæгæн æгъдау хъæуы —

Рахызтыстæм иумæ.

Касти хур æмæ сыгъта.

Зæхх ыскъуыди фаркæй...

Чызг æрымысыд ныр та

Мемæ цæуын паркмæ.

Ацыдыстæм, уæдæ куыд! —

Хистæрыл цы бон и?

Куы-иу бæлæгъ мах бар уыд,

Куы нæ скъæфта пони.

Уым цы нæ федтам æниу!

Бахордтам сæлдæг дæр.

— Хорз уыд... Нал балхæнис иу?

— Иу цæмæн? Дыууæ дæр!

Уалынмæ æрцыд изæр,

Хур фæсхох ныгуылди.

Саби бафæллад æгæр,

Мад-фыды мысыди.

Мæнæ — галуан. Ам цæры.

— Цæй, дæ къух æри,— дам.

Радтам къухтæ, стæй зæгъы

Гыццыл чызг Иридæ:

— Хорз лæг дæ, нæ дæ гæды,

Стæй нæ дæ чъынды дæр,

Фæлæ ма куы зонис ды

Афтæмæй фыссын дæр...

— Гъемæ кæд мæ бон ысуа...

Тынг фæнды мæхи дæр...

— Æмдзæвгæйы хъуамæ уа

Афтæ фыст — И р и д æ.

Фезгъоры. Æз æм кæсын:

«Удыгага, уæвгæ!»

Йе 'рбацыдмæ мæн фыссын

Ныр хъæудзæн æмдзæвгæ!