Главная

Контакты

Случайная статья

• Автоматизация
• Антропология
• Археология
• Архитектура
• Биология
• Ботаника
• Бухгалтерия
• Военная наука
• Генетика
• География
• Геология
• Демография
• Деревообработка
• Журналистика
• Зоология
• Изобретательство
• Информатика
• Искусство
• История
• Кинематография
• Компьютеризация
• Косметика
• Кулинария
• Культура
• Лексикология
• Лингвистика
• Литература
• Логика
• Маркетинг
• Математика
• Материаловедение
• Медицина
• Менеджмент
• Металлургия
• Метрология
• Механика
• Музыка
• Науковедение
• Образование
• Охрана Труда
• Педагогика
• Полиграфия
• Политология
• Право
• Предпринимательство
• Приборостроение
• Программирование
• Производство
• Промышленность
• Психология
• Радиосвязь
• Религия
• Риторика
• Социология
• Спорт
• Стандартизация
• Статистика
• Строительство
• Технологии
• Торговля
• Транспорт
• Фармакология
• Физика
• Физиология
• Философия
• Финансы
• Химия
• Хозяйство
• Черчение
• Экология
• Экономика
• Электроника
• Электротехника
• Энергетика

ФЫСТÆГ КЫРДЖАЛИЙÆ. СКЪОЛАДЗАУ КОКО

ФЫСТÆГ КЫРДЖАЛИЙÆ

Æрдхорд мын ис Кырджалийы —

Æвзонг димитровон.

Фыстæг мæм дзы æрбахаста

Нæ постхæссæг ызнон.

Фыссы йæ цард, йæ ахуырыл,

Æрбарвыста йæ къам.

Æгас Иры сывæллæттæн

Æрвиты уый салам.

Ныффыстон æм, болгайрагау

Кæй базыдтон кæсын,

Æмæ йæ ныв Димитровæн

Мæ риуыл кæй хæссын.

Болгарийы сæрибарыл

Ысхæцынмæ цæттæ

Фыдæй-фыртмæ кæй уыдысты

Нæ Иры сахъгуырдтæ.

Ныффыстон æм, нæ мыггаджы

Хъæбатыртæ кæй уыд,

Кæддæр кæй хæцыд Шипкæйы

Мæ фыдыфыдыфыд.

Кæй амардта уый туркæгтæй

Хъазуат хæсты æхсæз,

Кæй сын байста сæ тырыса,—

Гъеуый ныффыстон æз!

СКЪОЛАДЗАУ КОКО

Къласы-иу нæ хъуыста

Скъоладзау Коко.

Фыссинаг нæ фыста

Магуса Коко.

Ахста-иу бындзытæ

Рудзынгыл Коко.

Тынг уыди зындзырд дæр

Скъоладзау Коко.

Арæх кодта цухтæ

Хивастæй Коко.

Никуы сдардта къух дæр

Иннæтау Коко.

— Урок та нæ зонын,—

Загъта-иу Коко.

«'Взæртæй» байдзаг боныг,

Гъе-уæууæй, Коко!..

Кардæй къахта къултæ

Скъоладзау Коко.

Дзыппы дардта хъултæ

Иудадзыг Коко.

Фæсхъæуы æхцайæ

Кодта къуырцц Коко.

Сдзур-ма йæм, зæгъ-ма йын, —

Ралгъитдзæн Коко.

Ссардта дын агаркæ

Фæндагыл Коко.

Дзурынц æм: — Уæ, ма кæ,

Ма бадым, Коко!

— Нал дæн æз æнахъом! —

Загъта сын Коко.

Бадымдта тамако

Скъоладзау Коко.

Иу бон та нын къласы

«Басгуыхти» Коко:

Уасæгау ныууасыд —

«Хъи-хъыри-хъо-хъо!»

Ахуыргæнæг смæсты:

— Чи уыди?

— Коко!

— Хорз митæ куы нæ сты...

Фыды 'рхон, Коко!

Скъолайæ фæхицæн,

«Каст фæци» Коко.

Нал ардта йæхицæн

Удæнцой Коко.

Йе 'мбæлттæй фæстиау

Баззади Коко.

Уынгты-иу мæстыйæ

Рацæйцыд Коко.

Ныр æрцыд лæгъстæмæ

Магуса Коко:

«Райсут мæ фæстæмæ,—

Курын тынг...