ОРТА МЕРЗІМДІ КЕЗЕҢДЕ БАЛАЛАР МЕН ЖАСӨСПІРІМДЕРДЕ ДЕВИАНТТЫ МІНЕЗ-ҚҰЛЫҚТЫҢ АЛДЫН АЛУ

4.2 . ОРТА МЕРЗІМДІ КЕЗЕҢДЕ БАЛАЛАР МЕН ЖАСӨСПІРІМДЕРДЕ ДЕВИАНТТЫ МІНЕЗ-ҚҰЛЫҚТЫҢ АЛДЫН АЛУ

Орташа мерзімді алдын алудың мақсаты: жасөспірімдердің психикалық денсаулықтарына және тұлғалық дамуына максималды көмектесу, оқушылардың адаптивті мінез-құлқын қалыптастыру.

Алдын алу міндеттері:

- салауатты өмір салтының негіздерін қалыптастыру;

- мінез-құлықтағы ауытқуларға ықпал ететін себептерді ерте анықтау;

- білім алушылардың тұлғалық дамуына кедергі келтіретін, мінез-құлықтағы ауытқуларға ықпал ететін факторларды азайту;

- жасөспірімдерді конструкциялық мінез-құлық, ішкі өзін-өзі бақылау, психологиялық қорғау әдістеріне, әр түрлі өмірлік жағдайларда тиімді қарым-қатынас жасау дағдыларына үйрету;

- оқушыларды тұлғалық жанжалдарды шешу дағдыларына үйрету;

- оқушыларға кәсіби және өмірлік өз тағдырын өздері шешуде көмек көрсету;

- білім алушылардың өз мәселелерін сезіну, сондай-ақ мәселеге қатысты меншікті ұстанымын және қатынасын қалыптастыру үшін жағдайлар жасау.

Девиантты мінез-құлықты алдын алу бойынша білім беру мекемелеріндегі жұмыстың кезеңдері:

1) Алдын алу. Мыналар бойынша іс-шаралар өткізу:

- салауатты өмір салтын насихаттау бойынша;

- құқықбұзушылықтарды алдын алу бойынша;

- мектеп оқушыларының бос уақытын ұйымдастыру бойынша;

- ата-аналардың, педагогтардың психологиялық сауаттылығын жоғарылату;

- сынып ұжымдарында қолайлы психологиялық климат жасау бойынша жұмыс;

- қиын өмірлік жағдайға душар болған отбасыларға балаларды оқытуда және тәрбиелеуде көмек көрсету;

- отбасы және мектеп байланыстарын нығайту;

- дағдарыстық жағдайлардың дамуын ескерту;

- балада қорғалу, психологиялық жайлылық сезімдерін тудыру, өлшемдес талаптар қою;

- білім алушылардың қызығушылықтарын анықтау, кәсіби өз тағдырын өздері шешуде, келесі білім жолын таңдауда көмек көрсету;

- жасөспірімдердің құқықтарының сақталуын бақылау

- рухани-адамгершілік және патриоттық тәрбие.

2) Диагностикалық:

- жасөспірімдердің тұлғасының дамуына жағымсыз әсер ететін факторларды, мінез-құлықтағы ауытқулардың себептерін анықтау (мысалы: тұрғы үй-тұрмыстық жағдайларды тексеру, топтан тыс референтометрия, тәрбиелеу мәселелері бойынша сауалнамалар);

- оқушылардың тұлғалық ерекшеліктерін, эмоционалдық-ерік аясының ерекшеліктерін анықтау;

- баланың даму деңгейін зерттеу, қажет болса, кәмелетке толмағандарды одан әрі оқытудың бағдарламаларын және нысандарын анықтау үшін кешенді тексеруді ұйымдастыру;

- түзету-дамыту жұмысында сүйенуге болатын қызығушылықтарды және жағымды қасиеттерді анықтау;

- икемсізденудің басым синдромдарын анықтау;

- баланың сыныптағы жағдайын зерттеу;

- алдын алудың жеке бағдарламаларын түзету мақсатымен өзгерістерді аралық диагностикалау;

- оқушылардың мәселелерін ерте анықтау мақсатымен білім беру мекемелерінде әлеуметтік-психологиялық мониторингтер.

3) Түзету-дамытушы:

- оқушыға психологиялық-педагогикалық көмек көрсету, оқытуда дара келіс жүзеге асыру бойынша ұсыныстар дайындау;

- жас ерекшеліктерін ескерумен, дамудағы және мінез-құлқындағы ауытқулар бар кәмелетке толмағандармен түзету-дамытушы жұмыс.

4) Оңалту:

- оқушылардың, ата-аналардың мәселелері бойынша кеңес беру;

- оқушылардың білім алуын бақылау;

- баланың мәселелерін шешу үшін мүдделі мекемелермен өзара әрекеттесу.

5) Қорытынды:

- жасалған шаралардың тиімділігін бағалау, кейінгі жұмысты жоспарлау, ұсыныстар әзірлеу;

- оқушылардың мектеп өмірімен қанағаттануларын, СӨС сұрақтарына, өзекті мәселелерге қатынастарын зерттеу;

- ата-аналардың білім беру мекемесінің қызметіне, баланың мектеп ұжымындағы жағдайына қанағаттануларын зерттеу.

⇐ Предыдущая 5 6 7 8 91011 12 13 14 Следующая ⇒