На вывучэнне тэмы «Паэзія» адводзіцца 3 гадзіны (замест прадугледжаных КТП чатырох гадзін), пры гэтым захоўваецца 1 гадзіна на творчую работу.
Разгляд разнастайнасці творчых індывідуальнасцяў у сучаснай паэзіі рэкамендуецца ажыццявіць на адных вучэбных занятках, правядзенне якіх магчыма ў форме чытацкай канферэнцыі, літаратурнай гасцёўні і да т.п.
На вывучэнне тэмы «Проза» адводзіцца 4 гадзіны (замест прадугледжаных КТП шасці гадзін)
Рэкамендуецца разглядаць праблему асэнсавання ў сучаснай прозе адносін асобы і грамадства, сувязі часоў і пакаленняў ў межах трох вучэбных заняткаў. Магчыма правядзенне абагульняльных гутарак.
На вывучэнне тэмы «Драматургія» адводзіцца 2 гадзіны (замест прадугледжаных КТП трох гадзін).
Рэкамендуецца разглядаць пошукі і наватарства ў сучаснай беларускай драматургіі ў межах адных вучэбных заняткаў. Магчыма выключэнне мізансцэніравання (інсцэніравання) асобных сцэн п’есы.
Беларуская літаратура
(павышаны ўзровень)
На вывучэнне тэмы «Паэзія» адводзіцца 5 гадзін (замест прадугледжаных КТП сямі гадзін), пры гэтым захоўваюцца 2 гадзіны на творчую работу.
Разгляд разнастайнасці творчых індывідуальнасцяў у сучаснай паэзіі рэкамендуецца ажыццявіць на двух вучэбных занятках, правядзенне якіх магчыма ў форме чытацкай канферэнцыі, літаратурнай гасцёўні і інш.
На вывучэнне тэмы «Проза» адводзіцца 9 гадзін (замест прадугледжаных КТП адзінаццаці гадзін).
Рэкамендуецца разглядаць сацыяльныя і маральна-філасофскія праблемы ў сучаснай прозе ў межах двух вучэбных заняткаў, тэму вайны ў сучаснай прозе, асэнсавання ў сучаснай прозе адносін асобы і грамадства – у межах двух вучэбных заняткаў, правядзенне якіх магчыма ў форме чытацкай канферэнцыі, літаратурнай гасцёўні і інш.
На вывучэнне тэмы «Драматургія» адводзіцца 4 гадзіны (замест прадугледжаных КТП шасці гадзін).
Рэкамендуецца разглядаць маральна-этычную праблематыку ў сучаснай беларускай драматургіі ў межах адных вучэбных заняткаў, гістарычную тэму ў сучаснай беларускай драматургіі – у межах адных вучэбных заняткаў, правядзенне якіх магчыма ў форме літаратурнай дыскусіі, чытацкай канферэнцыі і інш.
