СЫРДОН ЙÆ УАЗÆДЖЫ КУЫД ХЫНЦЫДТА

⇐ ПредыдущаяСтр 17 из 33Следующая ⇒

СЫРДОН ЙÆ УАЗÆДЖЫ КУЫД ХЫНЦЫДТА

Иу изæр дын Сырдоны дуармæ уазæг æрбалæууыд:

— Де ’зæр хорз, Сырдон!

— Æгас цу æмæ дæ хуыцау амондджын уазæг фæкæнæд, — дзуапп ын ратта Сырдон.

Уазæг йæ хабар ракодта:

— Дард бæстæй бæлццон дæн, тар хъæдыл мæ цæуын хъæуы, æмæ мыл æризæр. Фысым мын фæу.

Куыд ма аздæхтаид уазæджы Сырдон æмæ йын загъта:

— Уазæг — хуыцауы уазæг, мидæмæ рацу. Уазæг хæдзармæ бацыд. Кæсы, æмæ къæбицы иу сылгоймаг кæрдзынтæ кæны. Уæд уазæг Сырдонмæ бадзуры:

— Бафæрсын аипп ма уæд, фæлæ нарты бæсты фылдæр цы зайы: нартхор æви мæнæу?

Сырдон фæдис кодта æмæ загъта:

— Сæ дыууæ дæр нæм хорз зайынц, нæ буц уазæг. Фæлæ мæ ды цыма дзæгъæлы нæ фæрсыс, афтæ мæм кæсы.

Уазæг бахудт:

— Бахатыр кæн, уазæг дзæгъæлдзых нæ вæййы, фæлæ кæрдзын мæ ахсæнæн нæ бæззы.

Сырдон дæр йæ мидбылты бахудт:

— Алцыдæр ахуырæй у, нæ буц уазæг. Æз та хæбизджын куы бахæрын, уæд мæ ахсæн йæ кусынæй ныллæууы.

Сырдон кæрдзынгæнæгмæ йæ цæст фæныкъуылдта. Сылгоймаг фынгыл æрæвæрдта кæрдзын æмæ дурыны дзаг нозт. Уазæг цалдæр нуазæны куы ануæзта, уæд хæрынмæ фæкъæртт æмæ кæрдзын иууылдæр ахордта. Йæхæдæг дзуры:

— Æфсин, иу кæрдзын-ма рахæсс. Æнхъæлдæн, кæрдзын дæр мын хорз фидауы.

Уазæг барасыг æмæ дзæгъæл дзырдыл ахæцыд:

— Æз чи дæн, уый зоныс, мæ фæрныг фысым?

Сырдон ын дзуапп ратта:

— Куыннæ дæ зонын, куыннæ, мæ буц уазæг! Ды Тутыры æмбал дæ, Тутыр дæр цъаргæндтæ йеддæмæ кæрдзын нæ хæры.

Уазæг йæхицæй ныббуц.

— Ды мæ уайтагъддæр бамбæрстай. Фæлæ мын бирæтæ мæ хуызмæ фæкæсынц.

Сырдон та нуазæн рауагъта æмæ йæ уазæгмæ авæрдта:

— Уæдæ ма дзы иу та дæ хуызы тыххæй аназ.

Уыцы ныхас цæмæндæр расыг уазæгæн фæхъыг ис, æмæ мæстыйæ загъта:

— Ды мын мæ хуызмæ ма кæс! Ды мæ нырма нæ зоныс... Æз чи дæн, уый зоныс?..

Сырдон ныуулæфыд:

— Æрдæбонсарæй дыл мæ зæрдæ къæпп кодта, ды, æнхъæлдæн, Уастырджийы адæмæй дæ.

Уазæг йæ нуазæн ануæзта æмæ йæ риу ныххоста:

— Цы сты Уастырджийы адæм мæ цуры! Мæнæн мæ фырттæ Уастырджийæн йæ хæд фарсмæ бадынц, уый зон!

Сырдон ын йæ афтид нуазæн райста æмæ йын арфæгæнæгау загъта:

— Хуыцауæй арфæгонд у дæ байзæттæгтимæ!

Уазæг бынтондæр сцырен ис:

— Гъеныр æй базыдтай, чи дæн, уый! Иу нуазæн ма мын авæр уæдæ!

— Нæ, мæ буц уазæг, æгъгъæд дын фæуæд, — загъта Сырдон æмæ нозты дурын сылгоймагмæ ратта. — Цæвæр æй искуы, кæннод ма дзы а уазæг иуы хъæстæ куы фæуа, уæд нын нæ Уастырджийы йæ бынатæй фæтæрдзæн æмæ дзы йæхæдæг æрбаддзæн. Амæн дæр ма нæ куывтам!

⇐ Предыдущая 12 13 14 15 161718 19 20 21 Следующая ⇒