бөлiм. Жедел iздестiру қызметiн жүзеге асырушы органдар, олардың мiндеттерi мен құқықтары

2 бөлiм. Жедел iздестiру қызметiн жүзеге асырушы органдар, олардың мiндеттерi мен құқықтары

6-бап. Жедел-iздестiру қызметiн жүзеге асырушы органдар

Қазақстан Республикасы аумағында жедел-iздестiру қызметiн:
а) Iшкi iстер органдары;
б) Ұлттық қауiпсiздiк органдары;
б-1) сыртқы барлау саласындағы уәкiлеттi орган;
в) Қорғаныс министрлiгiнiң әскери барлау органдары;
г) қаржы полициясының органдары;
д) Қазақстан Республикасы Президентiнiң күзет қызметi;
е) алып тасталды
ж) алып тасталды
з) алып тасталды
и) Әдiлет министрлiгiнiң қылмыстық-атқару жүйесi органдары;
к) кеден органдары жүзеге асырады.
Жедел-iздестiру қызметiн жүзеге асыру органдарының тiзбесi тек қана заңмен өзгертiлуi немесе толықтырылуы мүмкiн.

7-бап. Жедел-iздестiру қызметiн жүзеге асырушы органдардың мiндеттерi

Жедел-iздестiру қызметiнiң осы Заңмен белгiленген мiндеттерiн орындау кезiнде оны жүзеге асыруға уәкiлдiк берiлген органдар;
а) жеке және заңды тұлғалардың заңмен қорғалатын құқықтарын, бостандықтары мен мүдделерiн, меншiктi, қоғам мен мемлекеттiң қауiпсiздiгiн қорғау, оның экономикалық және қорғаныс әлуетiн нығайту үшiн өз құзыретiне сәйкес қажеттi шараларды қолдануға;
б) жедел-iздестiру шараларын жүзеге асыру арқылы қылмыстарды анықтауды, олардың алдын алуды, оларды болдырмауды және ашуды, қылмыстық процесте пайдалану үшiн олардың нәтижелерiн орнықтыруды қамтамасыз етуге, өздерi тергейтiн қылмыстық iстер бойынша жедел-iздестiру iс-шараларын жүргiзу туралы тергеушiнiң жазбаша тапсырмаларын орындауға;
б-1) прокурордың жедел-iздестiру қызметiнiң заңдылығын қадағалауды жүзеге асыру барысында берген жазбаша нұсқауларын орындауға;
б-2) қылмыстық iс бойынша жасырынған сотталушыны және азаматтық iс бойынша жауапкердi, атқарушылық iс жүргiзу бойынша борышкердi iздестiру туралы сот актiлерiн орындауға;
в) қоғам мен мемлекет қауiпсiздiгiне қатер төнгенiн дәлелдейтiн өздерiне белгiлi болған жәйттер мен деректердi Қазақстан Республикасының мемлекеттiк өкiмет пен басқару органдарына дер кезiнде хабарлауға;
г) құқықтық көмек туралы шарттар (келiсiмдер) негiзiнде тиiстi халықаралық құқық қорғау ұйымдары мен шет мемлекеттердiң құқық қорғау органдарының тiлектерiн орындауға;
д) жедел-iздестiру шараларын жүргiзу кезiнде, сондай-ақ қылмыстық процесте пайдалану үшiн жүргiзiлген жедел-iздестiру шараларының нәтижелерiн бейнелейтiн материалдарды беру кезiнде асыратын жағдайда қамтамасыз ету және хабарлама көздерi құпиясының ашылуына жол бермеу жөнiндегi қажеттi шараларды қолдануға мiндеттi.
Ескерту. 7-бапқа өзгерту енгiзiлдi - ҚР 2001.03.16 N 163, 2009.07.17 N 187-IV Заңдарымен.

⇐ Предыдущая 1 2 345 6 7 8 9 10 Следующая ⇒