Главная

Контакты

Случайная статья

• Автоматизация
• Антропология
• Археология
• Архитектура
• Биология
• Ботаника
• Бухгалтерия
• Военная наука
• Генетика
• География
• Геология
• Демография
• Деревообработка
• Журналистика
• Зоология
• Изобретательство
• Информатика
• Искусство
• История
• Кинематография
• Компьютеризация
• Косметика
• Кулинария
• Культура
• Лексикология
• Лингвистика
• Литература
• Логика
• Маркетинг
• Математика
• Материаловедение
• Медицина
• Менеджмент
• Металлургия
• Метрология
• Механика
• Музыка
• Науковедение
• Образование
• Охрана Труда
• Педагогика
• Полиграфия
• Политология
• Право
• Предпринимательство
• Приборостроение
• Программирование
• Производство
• Промышленность
• Психология
• Радиосвязь
• Религия
• Риторика
• Социология
• Спорт
• Стандартизация
• Статистика
• Строительство
• Технологии
• Торговля
• Транспорт
• Фармакология
• Физика
• Физиология
• Философия
• Финансы
• Химия
• Хозяйство
• Черчение
• Экология
• Экономика
• Электроника
• Электротехника
• Энергетика

МÆ УАРЗОН ИРЫ САБИОН ФÆЛТÆР

МÆ УАРЗОН ИРЫ САБИОН ФÆЛТÆР

Цы мын фестут, мæ пыхцылсæр цъæх бонтæ,

Нæ быдырты мæ бæгъæввад тъæбæртт,

Æмбæлтты къорд, нæ сабийы кæнонтæ,

Мæ дамгъуат чиныг — сидзæрæн æлхæд?..

Фæтахтыстут... Уæ базыртæ ныццагътат...

Уæддæр нæ дæн сымахæй æз хъæстаг:

Фæндаггаг мын цы уды сыгъдæг радтат,

Мæнæн уый у цæргæ-цæрæнбон фаг.

Ныры цæуæт, сымахæн та уæ фæндаг

Рæсугъддæр у, уæ фæндаггаг — хуыздæр.

О, рæзут, рæзут адæмæн сæ фæндйаг,

Мæ уарзон Иры сабион фæлтæр!

ÆМДЗÆВГÆТÆ

МÆН ЦЫ ФÆНДЫ

Де уæхскмæ мæ сæргъæв, баба, ды,—

Мæн нæ сыхмæ акæсын фæнды.

Сæргъæв мæ бæрзонд бæласмæ ды,—

Мæн нæ хъæумæ акæсын фæнды.

Сæргъæв мæ Сæнайы хохмæ ды,—

Мæн Мæскуымæ акæсын фæнды.

Стæхын мæ кæн ракетæйыл ды,—

Дун-дунетæ фенын мæ фæнды.

СÆБЕ

— Абон цы базыдтай,—

Радзур, Сæбе!

— Ацы бон базыдтон

«А» æмæ «Бэ».

— Иугæр кæм базыдтай

«А» æмæ «Бэ»,

Уым нын ыстыр лæг

Уыдзынæ, Сæбе!

СКЪОЛАМÆ

Фынæй ысты мæргътæ,

Фынæй ысты сæгътæ,

Фынæй у нæ гыццыл рæуæд.

Æрмæстдæр ма бады

йæ хъарм хуыссæнуаты

Мæ чысыл æфсымæр Дзæмæт.

Дзæмæт нын нæ хуыссы,

Йæхимидæг стыхсы,

Фæзæгъы: «Кæд ысбон уыдзæн?»

Куы сбон уа, уæд — райсом

йæ чингуытæ райсдзæн,

Уый ахуыр кæнынмæ цæудзæн.

Фыццаг хатт цæудзæни,

Фæзминаг уыдзæни,

Нæ исдзæни никуы «æвзæр»...

Сæуæхсид нæма зынд...

Æмæ та йæ базыл

Сындæггай æруагъта йæ сæр.

Уæдмæ дын æфцæгæй

Дзæмæты сусæгæй,

Цæхæркалгæ, сцæйцыди хур;

Тæмæн цæстæй касти,

Æхсæвы тых састи,

Хъæриуы сæр тынтæй фæбур.

..Ныр нал хуыссыиц сæгътæ,

Пæр-пæр кæнынц мæргътæ,

Ныууасыд нæ гыццыл рæуæд.

Цы хуыссыс уæлгоммæ? —

Дьг куы кастæ бонмæ:

Уæлæмæ, уæлæмæ, Дзæмæт!