заляцанне, абяцанкі ў час лоўлі

⇐ ПредыдущаяСтр 4 из 8Следующая ⇒

заляцанне, абяцанкі ў час лоўлі

Мой жа ты дзядулячка,

Я ж твая бабулячка,

Я ж цябе лавіць буду,

Злавіўшы, любіць буду.

Ні бяжы, дзядулька, бягом,

Мы з табой памалу пайдзём.

Пойдзем, палюбуемся,

Станем, пацалуемся.

А ты мой дзядулечка,

Я ж твая бабулечка.

Не кідай мяне цяпер,

А бяры замуж у чацьвер!

Ні ўцікай, дзедзя-лябедзя,

Нап’ёмся піва па 'бедзя

Ні ўцікай, дзядулічка,

Я ж твая бабулічка.

А ці дзедзька мой баіцца,

Што мы будзем з ім жаніцца?

Пад вакном ручэй пацёк,

Ад мяне мой дзедзька ўцёк.

Не ўцякай, дзедзя-лябедзя,

Пашыю шубу з мядзведзя.

А мой ты дзядулічка,

Я ж твая бабулічка,

Я ж цябе люблю, люблю,

Кашульку куплю, куплю.

... А ці я не праллійка,

А ці я ткаллійка?

(А ці я не хатніца,

Ці я не работніца?)

Устану ранюсенька,

Напраду танюсенька,

Пастаўлю красёнцы ў кутку,

Я табе кашульку вытку.

(Пасядзі, дзядулька, ў кутку

Пакуль я красёнцы вытку, (штонікі, кашульку)

Выткаўшы, бяліць буду,

Пабяліўшы, шыць буду.

Пашыю кашулечку

Я свайму дзядулечку,)

З чырвоным каўнерчыкам

Каб ты быў жаўнерчыкам.

... Пайду я у лавачку,

Набяру паркалечку.

Пашыю кашулечку

Я свайму дзядулечку...

А дайся, дзядулька, дайся,

На другіх не заглядайся!

Другія з ума звядуць

Нам з табой разлуку дадуць.

Гарошак касой кашу,

Дзедзічку слаўцом прашу:

– А здайся, дзедзічка, здайся,

На чужых ні заглядайся.

(На чужых не заглядайся,

На мяне не забывайся.)

(Другія ня лепшыя,

Горшыя, пушчэйшыя.)

(Другія ня лепшыя,

А нашы ня горшыя).

Мой дзедзька малодзінькі,

Як мядок, салодзінькі,

На ножках боцікі блішчаць,

На яго дзевачкі глядзяць.

Дзевачкі, ні глядзіця,

Дзядулькі ні звадзіця ...

Паіла коніка ў вядрэ,

Відзіла рыбачку на дне.

Смашная рыбачка язёк,

Пацалуй, дзядулька, разок.

Паіла я коніка ў вядрэ,

Відзіла рыбачку на дне.

Добрая рыбачка карась,

Пацалуй, дзядулька, хоць раз,

Добрая рыбачка акунь,

А скажы, дзядулька, адкуль?

І чаго ты, дзядулька, ходзіш,

Нашто ты боцікі топчыш,

Чаго ты туляішся,

Ці са мной ні знаішся?

Ці цябе вучыла маці,

Як ад мяне ўцікаці?

А мой ты дзядулечка,

Я ж твая бабулечка!

А што ж ты ўсё шляешся,

Ці не мной цураешся?

А ці я не ладная —

Хустачка ядвабная.

А мой жа дзядулічка,

Я ж твая бабулечка!

Чаго ж ты туляешся,

Ад мяне хаваешся?

Ці я не татулькава,

Ці я не матулькава?

Вяліка, вяліка хата,

Далі мне дзеда-салдата.

Што я буду рабіці,

Што ня хочыць любіці.

Ці мне яму вочачкі драць,

Што ня хочыць мяне браць?

⇐ Предыдущая 1 2 345 6 7 8 Следующая ⇒