ІІ. Песьні ў час лоўлі

⇐ ПредыдущаяСтр 3 из 8Следующая ⇒

ІІ. Песьні ў час "лоўлі"

а) песьні дзяўчыны

калі ўцякае

Мой мілы бяжком бяжыць,

Аж пад ім зямелька дрыжыць.

А я памалюсеньку —

Я ж яму мілюсенька.

З-пад аконца рэчачка цікла,

Я ’д свайго дзядулькі ўцікла,

Уцікла, (а)’глянулася,

Яму наругнулася.

Казалі мой дзед нічога,

Насеяў пшанічкі многа.

Пшанічка калосіцца,

За мной дзедка носіцца.

На вакне рутачка цвіла,

Я ад дзядулькі ўцякла.

Пайду я пабегаю,

Як рыбка па берагу,

Пайду я пагуляю,

Як рыбка на Дунаю.

Ні бяжы, дзядулька, бяжком,

Запала дарожка сняжком.

Дайце ж мне скарэй мятлу,

Я ж дзедзьку сцежку змяту.

Ой, скажы, дзядулька, ты мне,

Ці з ахвотай ловіш ці не?

Калі ты з ахвотаю,

За табой палётаю,

А калі без ахвоты –

Не буду таптаць боты.

Чаго ж ты за мною ходзіш,

Нашто ж ты боцікі топчыш?

Боцікі шаўровыя,

Падвязкі шаўковыя.

Пайду я кароўку даіць,

Аж за мной дзядулька бяжыць,

Ах, ты мой дзядулячка,

Я ж твая бабулячка,

Каб цябе каршун задраў,

Як ты мне хвартух падраў,

Каб цябе пятух забіў,

Як жа ты мяне любіў!

Пашла ж я кароў даіць,

А за мной Давыд бяжыць.

Кіну я даёначку

Давыду ў галёначку.

калі ловіць

Ах ты мой дзядулічка,

Я ж твая бабулічка!

Дай божа пагнаціся,

З дзядулькам пазнаціся.

Пайду я Цярэшку жаніць,

Аж мая галоўка баліць,

Аж мае ножачкі млеюць —

Не магу за дзедам бегаць.

(Аж мае ручачкі вянуць —

Не магу на дзедзьку глянуць. - закаханасьць)

Хоць жа я павалюся,

За дзедзькам паганюся.

Хоць жа я ножачку зламлю,

Я свайго дзядульку злаўлю.

Пайду я пяшком, пяшком,

Злаўлю я дзядульку мяшком. (насмешка)

Пайду я ў ток, у ток,

Знайду я курэй куток,

Пятушка чубатага,

Дзядульку вусатага.

Паіла коніка ў вядрэ,

Відзіла дзядульку на дне.

Ці мне коніка паіць,

Ці мне дзядульку лавіць?

Пайду я па гародзе

У дзявоцкім карагодзе,

Хустачкай махаючы,

Дзядульку шукаючы.

(– Дзядулька, як маешся?

Чаму не вітаешся?

Дай божа, пазнаціся,

З табой павітаціся.)

Ах, ты мой дзядулечка,

Я ж твая бабулечка,

Я ж цябе люблю, люблю,

Я ж цябе злаўлю, злаўлю.

Ні ўцікай, дзядулька, бяжком,

Запала дарожка сняжком.

Дзевачкі, сястрыцы мае,

Тапчыце вы сцежачку мне.

(Дзевачкі, сястрыцы мае,

Злавіце дзядульку вы мне).

Не ўцякай, дзядулька-шарсцень,

Не турбуй маіх ты касцей...

А хоць жа я павалюся,

За табою паганюся,

А хоць жа ты ў палоўку

Я цябе – за галоўку,

А хоць жа ты ў мякіну,

Я цябе не пакіну.

На небе месячык ясён,

А ў суседа малойчык красён.

Хоць жа я ў бяду ўпаду,

У суседа малойца ўкраду.

А ў полі калінка расла,

Беленькім цвяточкам цвіла.

Я гэту калінку зламлю,

Я свайго дзядульку злаўлю.

Пайду я ў зялёны лясок,

Выламлю дубовы кіёк,

Як дам дзеду пад нагу,

Я яго скоранька злаўлю.

Ой, пайду я каля саду,

Наламлю вінаграду.

(Вінаград салодзенькі,

Дзядулька малодзенькі,)

Вінаград ня ломіцца,

Дзядулька ня ловіцца.

Дзевачкі, з дарожанькі,

Каб ні стаптаць ножанькі,

Мальчыкі, схініцеся,

Каб ні паваліціся.

Паціху, скрыпачка, іграй,

Памалу, дзядулька, ступай,

Каб я не ўмарылася,

Каб не павалілася.

А я пайду Цярэшку даганяць,

А ён ад міне уцікаць,

Ах, божа мой, божанька,

Баліць мая ножанька.

(Цярэшка, пастой, пастой,

Пабуду з табой, з табой)

⇐ Предыдущая 1 234 5 6 7 8 Следующая ⇒