ІІ. Песьні падчас перакручвання

⇐ ПредыдущаяСтр 2 из 8Следующая ⇒

ІІ. Песьні падчас перакручвання

пад "Лявоніху":

1) Кацілася калясо з клеці

Ой жывіце харашо, дзеці (любіцеся харашо ...)

(Не біцеся, не сварыцеся

І на пару спаць лажыцеся)

2) А я свайму мужыку на бяду

Поўну хату ды дзяцей навяду

3) Стаіць бярозка нецярэбленая,

На ёй лісцейка сярэбраная.

Хто бярозку церабіць будзіць,

Той у золаце хадзіць будзіць

Я бярозку церабіць буду,

Я й у золаце хадзіць буду!

3а) Я бяростачку рвала,

На галовачку клала

А бяростачка тонка

На галовачцы звонка

4) Туды-сюды дубіну нахіну,

Каля дуба жалудоў набяру,

Каля дуба ўсё атростачкі,

Пагуляйце, мае сёстрачкі ...

5) У калодцы ваду чэрпала,

Упусціла туды зеркала,

Упусціла, скалыхнулася,

Палюбіла, не ашыбнулася.

6) А ці мой, ці ня мой будзіш,

Нашто мяне, маладу, гудзіш?

А ці мой, ці ня мой станіш,

Нашто мяне, маладу, ганіш?

7) Як пайду я каля ельнічку,

Каля белага бярэзнічку,

Я й баюся, каб і воўк ня з’еў,

Харошанькі кавалер ня звёў!

7а) А пашла я кала ельнічку,

Кала белага бярэзнічку,

Ах, чуць мяне воўк ня з’еў,

Ў тую пору маладзец паспеў:

Ухваціў мяне ў ахапачкі

Да панёс мяне дахатачкі...

8) Ой ты мілы мой, мілюсінькі,

Вядзі ж мяне памалюсіньку,

Ні вядзі мяне ні ў лес і ні ў бор,

Вядзі ж мяне да татулькі у двор,

Ні вядзі мяне ні ў лес і ні ў сад,

Завядзі мяне к татульку назад.

8а) А мой мілы дзевярусенька

Вядзі мяне памалюсеньку

Не вядзі мяне па пожаньцы

Вядзі мяне па дарожаньцы

[Па пожаньцы мяе ножкі ня йдуць

Па дарожцы яны самі бягуць]

(Па пожаньцы мае ножкі баляць

Па дарожцы яны самі бягаць

Па пожаньцы - спатыкаюцца

Па дарожцы - падымаюцца)

9) Ці я табе ні варыла гароху,

Ці я цябе ні любіла ні троху?

А я ж табе гарашок варыла,

А я ж цябе харашо любіла!

10) А Лявон Лявоніху палюбіў,

Лявонісі чаравічкі купіў.

Лявоніха, душа ласкавая,

Чаравічкамі палясківала.

А Лявоніха ня жонка была

Не мытую мне кашульку дала (рубашонку дала)

Не мытую, не качаную

У суседа пазычаную

(Лявоніха ня жонка была

Нісалёную капусту дала

А Лявона дык і чорт не бярэць –

Нісалёную капусту жарэць)

Як я молада ў матулькі была

Як вішанька у садочку цвіла

(А як стала у свякровачкі,

Пачарнелі мае бровачкі)

(... Цвіла цвіла ды пацвітывала

З малайцамі ды пагулівала)

11) З добрым мужам мне вячок векаваць,

Дробных дзетак калыхаць, гадаваць.

А чорт жа іх накалышыцца –

Па сямёра у калысачца,

А чорт жа іх налюляіцца –

Штогадочык прыбаўляіцца!

12) Упілася на мяду саладу,

А божа ж мой, я й дамоў ні зайду.

А божа ж мой, а мілюсенькі,

А мой мілы жа п’янюсенькі ...

Пайду дамоў па намётачку,

Найму ж яму я падводачку,

Павязу яго дахатачкі,

Да цісовенькай крыватачкі.

пад "Крутуху"

1) Ты мой дзед, ты мой дзед

А я твая бабка

Шануй мяне, гадуй мяне

Каб я была гладка

- Шанаваць буду,

Гадаваць буду,

А прыдзіць ноч –

Цалаваць буду

пад "Цярэшку"

1) Цярэшка валачыўся

Да ўжо ж ён ажаніўся

А ўзяў дзеўку прыгожую

Хоць куды дык гожую

2) Цярэшка хадзіў-блукаў –

Ён жаны шукаў, шукаў

Каб была прыгожая

Хоць куды дык гожая

Узяў сабе дзевачку

Як тую пралесачку

Тонкую, высокую

Ліцом белаліцую (Багдановіч)

⇐ Предыдущая 123 4 5 6 7 8 Следующая ⇒