Главная

Контакты

Случайная статья

• Автоматизация
• Антропология
• Археология
• Архитектура
• Биология
• Ботаника
• Бухгалтерия
• Военная наука
• Генетика
• География
• Геология
• Демография
• Деревообработка
• Журналистика
• Зоология
• Изобретательство
• Информатика
• Искусство
• История
• Кинематография
• Компьютеризация
• Косметика
• Кулинария
• Культура
• Лексикология
• Лингвистика
• Литература
• Логика
• Маркетинг
• Математика
• Материаловедение
• Медицина
• Менеджмент
• Металлургия
• Метрология
• Механика
• Музыка
• Науковедение
• Образование
• Охрана Труда
• Педагогика
• Полиграфия
• Политология
• Право
• Предпринимательство
• Приборостроение
• Программирование
• Производство
• Промышленность
• Психология
• Радиосвязь
• Религия
• Риторика
• Социология
• Спорт
• Стандартизация
• Статистика
• Строительство
• Технологии
• Торговля
• Транспорт
• Фармакология
• Физика
• Физиология
• Философия
• Финансы
• Химия
• Хозяйство
• Черчение
• Экология
• Экономика
• Электроника
• Электротехника
• Энергетика

ХАЛÆТТÆ ÆМÆ ÆРФÆНЫФÆД

ХАЛÆТТÆ ÆМÆ ÆРФÆНЫФÆД

Уæд, зæгъы, хуыцауæн райгуырди чызг. Ном ыл сæвæрдтой Тик Ны. Куы бахъомыл æмæ йын чындзы цæуын афон куы сси, уæд йæхицæн мойæн равзæрста Нгыу Ланг, зæгъгæ, иу мæгуыр фыййауы. Хуыцау йæ чызгмæ смæсты æмæ сын сæ хъуыддаг бакъуылымпы кæнын сфæнд кодта: Тик Ныйы Æрфæныфæдæн йæ иуырдыгæй ныууагъта, лæппуйы та йæ иннæ фарсмæ арвыста. Чызг лæппуйы мысыди. Æмæ æхсæвæй-бонæй зæрдæхалæн куыд кодта. Хуыцау йæ тæригъæдмæ куы нал фæрæзта, уæд ын бар радта афæдз иу хатт Нгыу Ланджы уынынæн. Хуыцауы уынаффæмæ гæсгæ хъуамæ æмбæлдаиккой æвдæм мæйы æвдæм бон. Фæлæ Æрфæныфæды нæдæр лодкæ уыди, нæдæр нау, иу фарсæй иннæмæ цæмæй цыдæуыдаид, уый. Уымæ гæсгæ хуыцау фæдзырдта, зæххыл пълотникæй цыдæриддæр уыдис, уыдонмæ æмæ сæ æрвон доны сæрты хид аразыныл бафтыдта. Хъуамæ уыцы хидыл æмбæлдаиккой æрыгон лæг æмæ ус.

Пълотниччытæ кусын райдыдтой, фæлæ сын ницы æнтысти. Афæдз аивгъуыдта, Тик Ны æмæ Нгыу Лангæн сæ фембæлæн бонмæ бирæ нал баззади, хид уæддæр нæма сцæттæ. Хуыцау фырмæстæй рафыхти æмæ хидаразджытæн æвирхъау тæрхон рахаста: халæттæ сæ фестын кодта.

Уыцы бонæй ацы бонмæ алы аз дæр æвдæм мæйы æвдæм бон халонæй цыдæриддæр ис, уыдон кæрæдзиуыл хæцгæйæ фæд-фæдыл атъанг вæййынц æмæ Æрфæныфæды сæрты хиды бæсты æрлæууынц. Тик Ны æмæ Нгыу Ланг та халæттæй арæзт хиды сæрты кæрæдзи фенынмæ фæцæйзгъорынц.

Пълотниччытæ халæттæ кæй фестадысты, уый тыххæй хуыцауæй хъаст кæнын кæм уæндыдысты, фæлæ сæ кæрæдзи хъуын-хъис хордтой, æдзух хыл кодтой. Хылгæнгæйæ-иу сæ бырынчъытæй сæ кæрæдзи сæртæ ныттыдтой, æмæ сын ныггæмæх сты; æдзухдæр сæ сæртæ уыдысты пыхцыл æмæ чъизи.

Лæг æмæ усы зæрдæмæ нæ цыдысты халæтты чъизи хъил къоппатæ, стæй ма сыл цы иугай систæ уыди, уыдон сæ хъыгдаргæ кодтой хидыл цæугæйæ. Уымæ гæсгæ загътой халæттæн, сæ фембæлыны размæ сæ сæртыл цы систæ ис, уыдон-иу бынтондæр куыд ныттоной. Цы сæ бон уыди халæттæн, сæххæст кодтой уыцы дзырд.

Уæдæй фæстæмæ æвдæм мæйы æвдæм бон халæттæн се ’ппæтæн дæр сæ сау систæ ахауынц, фæлæ та сын уый фæстæ ног рацæуынц.