|
|||
БАЯУ (АУЫСПАЛЫ) ЖЫЛЖЫМАЛЫ ЫРҒАҚТАР МЕН КОМПЛЕКСТЕРБАЯУ (АУЫСПАЛЫ) ЖЫЛЖЫМАЛЫ ЫРҒАҚТАР МЕН КОМПЛЕКСТЕР Баяу (ауыспалы) жылжымалы ырғақтар мен комплекстер — жүрекшелерде, АВ-бірікпеден шығатын немесе қарыншаларда пайда болатын синусты емес эктопиялық ырғақтар.
Механизмі:СА-түйін, синусты және брадикардияның басқа да түрлері фонында пайда болатын ІІ және ІІІ қатардағы автоматизм белсенділік орталығының пайда болуы (СА- және АВ-блокадаларының II және III дәрежелері).
Себептері: 1) дені сау адамдардағы ваготония, вегетоқантамырлық дистониямен ауыратын науқастар және т. б., 2) СА-түйіннің органикалық зақымданулары (кардиосклероз, жіті МИ және т. б.), 3) Экстрасистолияға, СА- мен АВ-тосқауылдарға және брадикардияға әкелетін себептер.
ЭКГ-көріністері: Баяу жылжымалы комплекстер (54-сурет): 1) ЭКГ-да жеке синусты емес комплекстер, яғни жүрекшеден, АВ-бірікпеден шығатын немесе қарыншалардан шығатын импульстер; 2) жылжымалы эктопиялық комплекстегі R - R аралығы ұзарған, ал одан кейінгісі қалыпты немесе қысқарған.
Баяу жылжымалы ырғақтар: 1) ЖСЖ минутына 60 рет және одан аз соққысымен дұрыс ырғақ; 2) әрбір комплекстегі P - QRS көріністерінің синусты емес (жүрекшелік, АВ-бірікпеден шығатын немесе қарыншалық) жүргізушілік ырғағы.
54-сурет.Баяу (ауыспалы) жылжымалы эктопиялық комплекстері бар науқастың ЭКГ көрінісі. а, б – АВ-бірікпеден шығатын жылжымалы комплекстер, в-қарыншадан шығатын жылжымалы комплекстер.
ҚЫСҚАРҒАН ЭКТОПИЯЛЫҚ ЫРҒАҚТАР (ПАРОКСИЗМАЛЬДЫ ЕМЕС ТАХИКАРДИЯ). Қысқарған эктопиялық ырғақтар немесе пароксизмальды емес тахикардия – бұл АВ-бірікпелерден немесе қарыншалардан, жүрекшелерден шығатын жеке эктопиялық ырғақтармен шақырылатын ЖСЖ ұстамалы емес минутына 90-130 дейін жиілеуі. Сол себепті қысқарған эктопиялық ырғақтар кезіндегі ЖСЖ баяу ауыспалы ырғаққа қарағанда жоғары, ал пароксизмальды тахикардияға қарағанда төмен. Механизмі:клеткаорталығының ІІ және ІІІ қатардағы автоматизмінің спонтанды деполяризациясының жоғарлауы. Себептері:жүрек бұлшықеттеріндегіорганикалық өзгерістер (жіті МИ, созылмалы ЖИА, миокардиттер, гипертониялық жүрек және т. б.), дигиталис препараттарының интоксикациясы. ЭКГ-көріністері: 1) ЖСЖ минутына 90-130 дейін ұстама тәрізді емес тұрақты жиілеуі; 2) дұрыс қарыншалық ырғақ; 3) әрбір тіркелген комплекстегі синусты емес P-QRS-T комплексті (жүрекшеден, АВ-бірікпеден немесе қарыншалардан шығатын) ырғақ жүргізушілері (55-сурет).
55-сурет. Қысқарған эктопиялық ырғақтар немесе пароксизмальды емес тахикардия. а – қысқарған жүрекшелік ырғақ, б – жүрекшелер мен қарыншалар бір уақытта қозған кезде АВ-бірікпеден шығатын қысқарған ырғақтар, в – қысқарған қарыншалық (идиовентрикулярлы) ырғақтар.
|
|||
|