Жүрекшелік Р тісшесінің талдауы.

47- сурет. Жүректің электр осінің горизонтальды орналасуы. Бұрыш α +15̊.

Ешқандай кестесіз-ақ жүректің электр осінің ауытқуын анықтауға болады.

Ол үшін электр осінің ауытқуын І және ІІІ стандартты тіркемелерден R мен S тісшелерін талдау арқылы анықтайды. Бұл кезде қарыншалар комплексіндегі тісшелердің алгебралық қосындысын QRS комплексіндегі «анықталушы тісшелер» түсінігі арқылы R және S тісшелерінің абсолютті биіктігімен визуальды салыстыра отырып алмастырады. ≪R-типті қарыншалар комплексі≫ берілген қарыншалар комплексінде анықталатын биік R тісшесі. Қарама-қарсыда ≪S-типті қарыншалар комплексі≫, яғни QRS комлексінде анықталатын S тісшесі болып табылады. (48-сурет).

48 – сурет. QRS комплексіндегі R және S тісшелерінің салыстырмасы.

Егер де І стандартты тіркемедегі қарыншалық комплекс R-типті болса, ал QRS комплексі ІІІ стандартты тіркемеде S-типті болса, онда бұл жағдайда жүректің электр осі (сол жақтық грамма) солға ығысады (49-сурет). Сызба түрінде бұл жағдай RI-SIII деп жазылады.

Сурет – 49. Жүректің электр осінің визуальды көрінісі.

Сол жақтық грамма

Керісінше, егерде І стандартты тіркемеде S-типті қарыншалық комплекс болса, ал ІІІ стандартты тіркемеде R-типті QRS коплекс болса, онда жүректің электрлік осі оң жаққа ығысады( оң жақтықграмма) (50-сурет).

Бұл жағдайда сызбасы SI-RIII түрінде жазылады.

50 – сурет. Жүректің электр осінің визуальды көрінісі.

Оң жақтық грамма.

1. Жүректің электр осінің қалыпты орналасуы кезінде (бұрыш α +30°-тан +69°-қа дейін): a) RII ≥ RI ≥ RIII, б) III және aVL тіркемелерде R және S тісшелері бір-бірімен тең келеді.

2. Жүректің электр осі солға ығысқанда немесе горизонтальды орналасқанда (бұрыш α +30°-тан -90°-қа дейін); а) биік R тісшесі I және aVL тіркемелерде тіркеледі, RI > RII > RIII; б) терең S тісшесі ІІІ тіркемеде тіркеледі.

3. Жүректің электр осі оңға ығысқанда немесе вертикальды орналасқанда (бұрыш α +70°-тан +180°-қа дейін); а) биік R тісшесі III және aVF тіркемелерде тіркеледі,RIII ≥ RII > RI; б) терең S тісшесі I және aVL тіркемелерде тіркеледі.

Жүрекшелік Р тісшесінің талдауы.

Жүрекшелік Р тісшесінің талдауына жатады:

1) Р тісшесінің амплитудасын анықтау (қалыптыда 2,5 мм-дан артық болмау керек);

2) Р тісшесінің ұзақтығын анықтау (қалыптыда 0,1 с-тан аспау керек);

3) І, ІІ, ІІІ тіркемелерде Р тісшесінің полярлығын анықтау;

4) Р тісшесінің пішінін анықтау.

Қалыптыда қозу толқыны бағытының қозғалысы жүрекше бойынша жоғарыдан төменге Р_I,II,III тісшесі оң, ал төменнен жоғарыға қарай теріс болады. Қосарланған екі өркешті тісше Р_I, aVL,V₅,V₆ болса, онда ол айқын сол жүрекшенің гипертрофиясына тән, ал өткірлеу жоғары амплитудалы тісше P_II,III, aVF болса, ол оң жақ жүрекшенің гипертрофиясына тән.

12 3 4 5 6 7 Следующая ⇒