Кондак 11

Икос 10

Ветии множеством словес подвиги твоя восхвалиша, но кто возможет все промышление Божие над тобою изрещи, яко во имени твоем вся крепость духа христианского воплотившеся, вся препоны вражия сокруши, сего ради Церковь Руссккая до днесь тя величает: Радуйся, храбрый воине Церкве воинствующия; радуйся, достославный победителю в Церкви торжествующей. Радуйся, безбоязненный победителю всех враг видимых и невидимых; радуйся, любимиче Господень, и людьми Его возлюбленный. Радуйся, праведный человече, не скрывай таланта Господина своего; радуйся, богатство, от Бога данное ти, стократы умноживый. Радуйся, преподобне отче Илие, земли Русския славный заступниче.

Кондак 11

Пение прими скудных словес и помолися за убогия сродницы твоя, и ходатай нам буди у Бога и вызволитель на земли, и якоже прежде, не престай воспевати Богу за Русь Святую: Аллилуиа.

Икос 11

Светильник от елеа благодати возженный, отче Илие, освети ныне нас, во тьме и мраце прозябающих, и воеводой войску Русскому буди, от полона нечестия Отечествие свобождая и воинов в ратех укрепляя, и разум им и благочестие от Бога испроси, да зовем ти: Радуйся, безмятежно упокоивыйся со всеми от века праведными; радуйся, мирне отшедший ко Владыце живота и смерти.

Радуйся, возъимевый у Него дерзновение многое; радуйся, за соплеменников своих непрестанно ходатайствующий. Радуйся, стрегий и доселе землю Русскую от нахождения лютых; радуйся хранящий ю от внезапных нападений нечестивых. Радуйся, преподобне отче Илие, земли Русския славный заступниче.

⇐ Предыдущая 1 2 3 456 Следующая ⇒