Кондак 3

Кондак 3

Силу велию разуме в себе, Илие, испив чашу чудодейственную, яко возмощи ти горы преставляти и древа дубравная из земли исторгати, рече о сем странником, вопрошающим о явлении силы твоея, и в радости воспел еси Спасителю: Аллилуиа.

Икос 3

Имаши ныне силу премногу, тако и живи, Илие, да будеши воином, и во бранех смерть ти не будет писана, рекоша странницы, и благословившее тя, изыдоша абие, мы же, познавшее на тебе руку Господню, поем: Радуйся, хождение приемый ногама, да идеши на стези правыя; радуйся, владение приемый рукама, да твориши дела богоугодная. Радуйся, здравие приемый, да потрудишися Богу в поте лица твоего; радуйся, исцеление приемый, да поработаеши Исцелившему тя. Радуйся, благословение приемый, да соблюдеши душу свою во благочестии; радуйся, силу велию приемый, да прославиши ею имя Всесильнаго. Радуйся, преподобне отче Илие, земли Русския славный заступниче.

Кондак 4

Бурею недоумения объястася родителя твоя и ужасом велим дивистася зело, видяща тя в силу пришедша, и ногама и рукама исцелевша, возопиша, радующеся: Слава, слава Господу, Всевышнему хвала: Аллилуиа.

Икос 4

Слышав благословение Господне, не можаше ктому в доме своем оставатися, яко приспе час подвиг твоих, испроси у отца и матери дозволение отъити в землю дальнюю. Отец же рече ти: «Аз на добрая дела ти благословение даю, на худыя же дела благословения несть ти». Ты же, поклонься земно, исшед в путь, нас возбуждая взывати: Радуйся, словеса Господня жизнию исполнивый; радуйся, Бога и ближних паче отца и матери возлюбивый. Радуйся, любовь Божию любви родительстей предпочетший; радуйся, дом отчий оставивый, да всему Отечествию твоему послужиши. Радуйся, воине святорусский, возращенный духом Христовым; радуйся, всея Руси охранителем от Него поставленный. Радуйся, преподобне отче Илие, земли Русския славный заступниче.

⇐ Предыдущая 123 4 5 6 Следующая ⇒