Кондак 8. Кондак 9. Кондак 10

Икос 7

Новым Сампсоном на земли явивыйся, новому Израилю – Отечествию Русскому Православному послуживый верою и правдою, Илие приснопамятне, соратуй и ныне сродницем твоим, зовущим: Радуйся, яко Давид во имя Господа Саваофа сражавыйся; радуйся, яко Голиафа той, такожде и ты исполина иноземнаго поразивый. Радуйся, яко Сампсон, силою превиликою от Бога наделенный; радуйся, ревностию о Бозе тезоименитому ти пророку Илии подражавый. Радуйся, яко Даниил зияния львов оружие неверных чужеземцев заградивый; радуйся, яко неусыпный хранитель пределам княжества русскаго бывый. Радуйся, преподобне отче Илие, земли Русския славный заступниче.

Кондак 8

Странствуя по стране Киевстей, стрежаше ю от лютых разбойник, богатства и чести не искал еси себе, обаче возжелел еси послужити земле Русстей и вере христианстей, славы от человек не ищуще, Богу же поя: Аллилуиа.

Икос 8

Весь закон Евангельский тщався на себе исполнити, душу свою ежечасно за ближния своя полагающе, рубежи Отечествия оборонял еси, людие же русския не преставаху звати ти тако: Радуйся, зов Господень всем сердцем своим услышавый; радуйся, за ближния своя живота не щадевый. Радуйся, верою правою неверныя побеждавый; радуйся, на поле брани Господа на вспоможение призывавый. Радуйся, силою Божиею иноплеменныя изгонивый; радуйся, купно с Небесными силами тьму вражию посекавый. Радуйся, преподобне отче Илие, земли Русския славный заступниче.

Кондак 9

Спасти восхотел еси Отечествие свое не токмо от враг видимых, но и от невидимых, еще же и душу свою, преподобне Илие. Злато и сребро от князей дарованное, неимущим расточил еси и на храмы Божий употреби, во обитель иноческую удалися, тамо из глубины сердечныя поя Богу: Аллилуиа.

Икос 9

Стены обители святыя украша тя, преподобне отче Илие, идеже в затворе печерстем слезы непрестанными и моленьми всенощными за грехи своя и кровь людскую, вольне и невольно пролитую, умилостивлял еси Бога. Той же, видя смирение и сокрушение твое, вскоре благодать премногу ти подаде, яко дивитися братии всей, зовущей: Радуйся, от воина телеснаго в воина духовнаго преобразивыйся; радуйся, меч и копие вещественный отложив, духовным мечем вооруживыйся. Радуйся, оружие тленное оставивый, молитвою непрестанною врага посекавый; радуйся, и во брани духовней победитель явивыйся.

Радуйся, дара прозорливости прежде конца сподобивыйся; радуйся, благодать чудотворений восприявый. Радуйся, преподобне отче Илие, земли Русския славный заступниче.

Кондак 10

Всякое естество человеков и Ангелов дивишася зело, егда ты врага рода человеческаго, яко змия лютаго, пощады не дая, копием духовным заклал еси, да не чинит зла людем православным, мы же, веселяся о силе веры твоея и упования твоего на Бога, поем: Аллилуиа.

⇐ Предыдущая 1 2 345 6 Следующая ⇒