Білім беру процесін жүзеге асыру формалары мен әдістері

6. Білім беру процесін жүзеге асыру формалары мен әдістері

18. Білім беру үдерісі оқытудың интерактивті әдістері арқылы жүзеге асырылады: пікірталас, «миға шабуыл», іскерлік ойындар, тренингтер, жоба әдісі, бейнефильмдерді талқылау, мәселені бірлесіп талқылау және т.б.

19. Ересектер аудиториясының өзіндік ерекшеліктерін ескере отырып, оқыту барысында тыңдаушыларға қисынды қорытындылар жасауға, мазмұнды өз практикасына бейімдеуге және алған біліктерін аудиториялық практикалық сабақтар және аудиториядан тыс өзіндік жұмыс жағдайында сыннан өткізуге мүмкіндік беріледі.

20. Білім беру процесі аудиториялық сабақтар және өзіндік жұмыстарды жүргізуден тұрады. Бағдарламаның біліктілікті арттырудың құзыреттілік моделіне бағытталуы қазіргі білімдік технологиялар және интербелсенді оқыту формаларын: кері байланыс; мәселелерді, күрделі сұрақтарды талқылау және пікірталас; шеберлік-сынып; «дөңгелек үстел» арқылы қол жеткізетін әрекеттік амалды білдіреді.

7. Оқыту нәтижелерін бағалау критерийлері

21. Тыңдаушылардың кәсіби құзыреттіліктерінің қалыптасу деңгейін анықтау үшін бағалай критерийлері мен бағдарламаны меңгеру өлшемдері жасалады.

22. Өзіндік жұмысты жүргізу үшін келесі критерийлер айқындалады:

1) жүзеге асырылмаған - 0 балл;

2) ішінара жүзеге асырылған -1 балл;

3) толық жүзеге асырылған - 2 балл.

23. Білімді меңгеру деңгейін анықтауға келесідей өлшемдер қолданылады:

1) бағдарлама мазмұнын меңгеруі;

2) практикалық тапсырмаларды орындау барысында теориялық білімді пайдалануы;

3) материалдың практикалық мәнділігі;

4) мәселені баяндауының негізделуі, толықтығы, анықтығы;

5) талаптарға сәйкес рәсімделуі.

24. Тыңдаушылардың өзіндік жұмысты орындауы бойынша білімдерін бағалау балдарды бесбалдық жүйеге төмендегідей аудару арқылы жүзеге асырылады:

1) «Өте жақсы»: 9-10 балл, (85-100%)

2)«Жақсы»: 7-8 балл, (75-84%)

3)«Қанағаттанарлық»: 5-6 балл, (50-74%)

25. Жоба жұмыстарын өткізуде төмендегідей критерийлер 1,2 және өлшемдер айқындалған:

1) мәселені түсінеді және мәселені таңдауын түсіндіреді;

2) жағдаятты талдау негізінде қайшылықтарды атайды;

3) мәселенің туындау себептерін атайды;

4) мәселені тұжырымдайды, оның себептерін талдайды;

5) мақсатты тұжырымдайды және түсінеді;

6) міндеттер мақсатқа сәйкес;

7) мақсатқа жетуге көз жеткізу тәсілдерін ұсынды;

8) мәселелерді шешу тәсілдерін ұсынды;

9) стратегия ұсынды;

10) жобамен жұмыс істеу туралы айтып берді;

11) әрекет қадамдарының тәртібін анықтады;

12) қадамдарды ұсынды және кейбір ресурстарды көрсетті;

13) ресурстарды негіздеп берді;

14) ағымдағы бақылауды жоспарлады;

15) күтілетін нәтижемен өнімді салыстырды;

16) өнімнің ойдағымен сәйкестігі туралы қорытынды жасады;

17) өнімді бағалаудың критерийлерін ұсынды;

18) өнімнің критерийге сәйкестігін бағалады;

19) критерийлер жүйесін ұсынды;

20) алынған нәтижелер мәні;

21) күтілетін өнімді сипаттады;

22) өнімді қалай қолданатынын айтып берді;

23) өнімді тұтынушылар мен пайдалану аясын негіздеп берді;

24) өнімді пайдалану бойынша пікір білдірді;

25) алға жылжуды жоспарлады немесе қолдану шекарасын көрсетті.

26. Тыңдаушылардың жоба жұмыстарын орындауы бойынша білімдерін бағалау балдарды бесбалдық жүйеге төмендегідей аудару арқылы жүзеге асырылады:

1) «Өте жақсы»: 47-50 балл, (85-100%);

2)«Жақсы»: 36-47 балл, (75-84%);

3)«Қанағаттанарлық»: 25-36 балл, (50-74%).

27. Курс тыңдаушылары шағын-сабақты (шағын-шараны) презентациялау кезінде сабақтың, шараның түрлі кезеңдерін жоспарлау және білім мазмұнын жаңартуды есепке алып оқыту бойынша үзінді көрсетеді.

28. Курс тыңдаушылары шағын-сабақтарды, шағын-іс-шараны презентациялауы үшін келесідей критерийлер анықталған:

1) дағдылардың қалыптасу деңгейі – 0 балл, осы сабақта қолдануға келмейді;

2) 1 балл- дағдыланған;

3) 2 балл- дағды қалыптасқан;

29. Шағын сабақты, шағын іс-шараны презентациялау кезінде білімді меңгеру деңгейін бағалауға төмендегі өлшемдер алынған:

1) Қазақстан Республикасының мектепке дейінгі білім беру МЖБС мен Үлгілік бағдарламаны білуі;

2) мектпеке дейінгі педагогика мен психологияны білуі;

3) өткізу ұйымдастырылуға ие болу;

4) іс-шараны өткізу сапасы;

5) АК-технологияларды қолдануы.

30. Тыңдаушылардың шағын сабақтарды (шағын іс-шараны) презентациялауы бойынша білімдерін бағалау, балдарды бесбалдық жүйеге төмендегідей аудару арқылы жүзеге асырылады:

1) «Өте жақсы»: 35-39 балл (85-100%) ;

2) «Жақсы»: 29-34 балл (75-84%);

3) «Қанағаттанарлық»: 20-28 балл (50-74%).

⇐ Предыдущая 1 2 345 6 7 Следующая ⇒