ДЗЯРЖАЎНАЯ ЎСТАНОВА ДАДАТКОВАЙ АДУКАЦЫІ “ДОКШЫЦКІ РАЁННЫ ЦЭНТР ДЗЯЦЕЙ І МОЛАДЗІ”

ДЗЯРЖАЎНАЯ ЎСТАНОВА ДАДАТКОВАЙ АДУКАЦЫІ “ДОКШЫЦКІ РАЁННЫ ЦЭНТР ДЗЯЦЕЙ І МОЛАДЗІ”

Маршрут па г.Докшыцы “У сузор’і дзвюх рэк”

Прывітанне, сябры!

Жыхары Докшыччыны – гэта шчырыя і дбайныя гаспадары, якія заўсёды рады гасцям. Мы запрашаем вас у невялікае падарожжа па нашай вялікай малой радзіме! Пазнаёмцеся з багатай гісторыяй нашага краю і паўдзельнічайце у квесце. Наперад!

Першы пісьмовы ўспамін пра Докшыцы змяшчаецца ў Грамаце вялікага князя Вітаўта, выдадзенай 13 студзеня 1407 года ў Вільні.

Існуе некалькі версій, якія тлумачаць, адкуль пайшла назва “Докшыцы”.

Версія 1. У часы Вялікага княства Літоўскага на чале з князем прыехала будаваць горад ля вытокаў Бярэзіны вялікая колькасць халопаў. У кожнага на шыі вісела невялікая дошчачка, на якой было напісана ці то прозвішча халопа, ці то імя яго гаспадара, ці то лічба. Справа была зроблена: горад пабудавалі і дарогі да яго вымасцілі. У знак прызнання заслуг усім халопам была падорана свабода. Радасныя рабы тут жа скідвалі з сябе ненавісныя дошчачкі пад ногі. Халопаў было так многа, што ўся мясцовасць была літаральна ўсеяна гэтымі біркамі. Людзі яшчэ доўга расказвалі аб убачаным, паўтараючы мноства разоў: “Дощечки, дощечки, дощечки», што з часам трансфарміравалася ў Докшыцы.

Версія 2. Самая верагодная сувязь назвы горада з прозвішчам балцкага паходжання Докша. Дакшычане, докшыцы – гэта калектыўная назва людзей, якія былі звязаны з Докшай пэўнымі адносінамі альбо лічыліся яго нашчадкамі, ці з’яўляліся яго ўласнасцю.

Заданні для праходжання маршрута:

Рака Бярэзіна

Герб Докшыц уяўляе сабой выяву двух чорных узгоркаў, на якіх ляжаць два жоўтыя збаны, што праліваюць ваду з дзвюх срэбраныях крыніц, накіраваных ў розныя бакі верхняй часткі шчыта.Адна з якіх сімвалізуе раку Бярэзіна, адкажыце, якую раку сімвалізуе другая крыніца?

12 3 4 5 Следующая ⇒