Кондак 11. Кондак 12

Икос 10

Стена еси, ограждающая от всяких бед всех усердно тя в помощь призывающих, святителю Димитрие, и во всех странах Российския державы ясно проповедуются обильныя чудеса, бывшая у святых мощей твоих, и тако ублажаем тя, отче святый, сице:

Радуйся, фиал, источаяй елей Божия милосердия.

Радуйся, от Бога дарованный нам заступниче.

Радуйся, бесов прогонителю.

Радуйся, лютых болезней целителю.

Радуйся, добрых насадителю.

Радуйся, злых искоренителю.

Радуйся, Димитрие великий чудотворче.

Кондак 11

Пение неумолкаемое приносил еси Пресвятей Троице, святе Димитрие, аще не гласом и не словом, то делами и духом ныне же предстояй престолу Вседержителя, моли о нас воспевающих: Аллилуйя.

Икос 11

Светозарный твой ум озарил всех верных сердца уяснением Божественных таин, ихже познавал, сподобляемся приятии в душы наши лучу несозданнаго Троическаго света, еже исходатайствуй нам улучити, святее Димитрие, вопиющым ти:

Радуйся, заре Божия света.

Радуйся, денница солнца правды.

Радуйся, сияние Евангельскаго учения.

Радуйся, светило небеснаго блистания.

Радуйся, просвещаяй душы верных.

Радуйся, озаряяй сердца ищущих правды.

Радуйся, Димитрие великий чудотворче.

Кондак 12

Благодать дана ти есть от Бога, святителе Димитрие, целити недуги и болезни человеческия, и избавляти от всякия нужды и печали: темже и мы припадая со умилением просим тя: избави нас от зол греховных, да поем Богу: Аллилуйя.

Икос 12

Поющее твоя чудеса, святителю Димитрие, восхваляем Бога, даровавшаго благодать тебе таковую: ты же услыши нас, вопиющих тебе сице:

Радуйся, святильниче всесветлый.

Радуйся, проповедниче изящный.

Радуйся, органе премудрости Божия.

Радуйся, яко тобою дерзновенно бездну милосердия Божия призываем.

Радуйся, всех добродетелей зерцало.

Радуйся, христиан всех похвало.

Радуйся, Димитрие великий чудотворче.

⇐ Предыдущая 1 234 Следующая ⇒