Акафист святителю ДИМИТРИЮ митрополиту Ростовскому

Акафист святителю ДИМИТРИЮ митрополиту Ростовскому

Кондак 1

Избранному чудотворцу и угоднику Христову Димитрю составим похвалы, яко заступнику нашему и теплому о нас молитвеннику: ты же имеяй дерзновение ко Господу, преклонися милостивне к зовущим ти: Радуйся, Димитрие великий чудотворче.

Икос 1

Ангел нравом, аще и человек естеством был еси, святителю Димитрие: незлобием бо души твоея, кротостию и милостию привлекл еси Благодать Всесвятаго Духа, и явился еси Его обиталищем: темже мы благодаряще Бога, прославившаго в земли нашей таковаго святителя, воспеваем тебе сице:

Радуйся, незлобием твоим Агнца прореченнаго Исайем подражавый.

Радуйся, кротости христианския пример собою показавый.

Радуйся, милосердием своим нищия препитавый.

Радуйся, сердоболием утешивый страждущия.

Радуйся, к подвластным тебе всегда бывый Отцем чадолюбивым.

Радуйся, Димитрие, великий чудотворче.

Кондак 2

Видяще обильную реку чудес и исцелений, от святых твоих мощей истекающую, благодарим и радости исполнишеся, благодарим Бога прославляющаго тебе, великий Димитрие и непрестанно вопием Создателю нашему: Аллилуйя.

Икос 2

Разум истаннаго Богословия внушая чадам Христовы Церкве, непрестанно златословесными поучениями утверждал еси: еретичествующих же раскольников в заблуждениях обличая, искал привлещи и тех к спасительному единомыслию: за таковое твое о душах наших попечение по долгу взываем тебе, сице:

Радуйся, столпе благочестия.

Радуйся, пламеню пожигаяй нечестие.

Радуйся, таинниче Пресвятыя Троицы.

Радуйся, проповедниче неисчетных чудес Божиих.

Радуйся, суемудрия обличителю.

Радуйся, Димитрие великий чудотворче.

12 3 4 Следующая ⇒