Лейтенат Туимов иҫтәлегенә. 1940. (Өҙөк)

⇐ ПредыдущаяСтр 4 из 4

Лейтенат Туимов иҫтәлегенә. 1940. (Өҙөк)

Фронтовиктар ҡайтты. Ул юҡ ине.

Аңлашылды һүҙһеҙ был хәбәр.

Бәхет хаҡы күп ғүмерҙәр тора,

Ҡәҙерле ул ирек шул ҡәҙәр.

Ир һәм ата үлеме ауыр, дуҫтар,

Бер семьяға ауыр булмаһын, -

Батырҙарса үлгән лейтеннаттың

Беҙ күтәреп алдыҡ улдарын.

Матәм маршы киҫте йөрәктәрҙе,

Бөтә баштар түбән эйелде.

Миңә уттар тәмәке лә түгел,

Бар күҙҙәрҙә балҡып күренде.

Ул юҡ бөгөн, ләкин ошо юҡлыҡ

Тик көсәйтте уның барлығын.

Тойҙом: нисек ул үлемгә һыймай,

Ҡәберҙәрҙең уға тарлығын.

6. Әхмәтшин Ғабдулла Ғабдрахман улы 1921 йылдың 14 октябрендә Башҡортостандың Бишбүләк райны Яңы Бикташ ауылында тыуған. Быйыл яҙыусының 100 йыллыҡ юбилейы билдәләнелә. Ете йыллыҡ мәктәпте тамамлағас, Йәрмәкәй районы газетаһының яуаплы секретаре булып эшләй, Бәләбәй педучилищыһында ситтән тороп уҡый.

1941 йылда үҙе теләп фронтҡа китә.1941 -1942 йылдарҙа Черкасск хәрби пехота училищеһын татамлағандан һуң, стрелковый рота командиры булараҡ, Карелия һәм Көньяҡ -Көнбайыш фронттарында ҡатнаша. ике тапҡыр яралана. 1943 йыл - дивизия газетаһының редактор урынбаҫары., артабан III Украина фронты ҡаршаһында татар телендә сыға торған "Совет сугышчысы" тигән газетаға хәбәрсе -ойоштороусы итеп алына.1946 йылда демобилизациялана. Хикәйә, очерктары баҫыла, "Тальян гармун" музыкаль комедия яҙған һәм башҡа пьесалары баҫыған.

7. Асанбаев Нәжиб (Асанбаев Николай Васильевич) 1921 йылдың 7 ноябрендә Баҡалы районы Ахман ауылында тыуған. 2021 йылда уның 100 йыллыҡ юбилейын билдәләйбеҙ. Ауылда башланғыс мәктәптә уҡый, артабан Мостафа, Балыҡлы мәктәптәрендә уҡыуын дауа итә, Өфө финанс - экономик техникумын тамамлай, Башҡорт Дәүләт педагогия институтына уҡырға керә, тамамлай алмай, Йәрмәкәй урта мәктәбендә уҡытыусы булып эшләй. 1940 йылда Совет Армияһы сафына алына, Рязандаге артиллерия училищеһында уҡый. 1942 - 1945 йылдарҙа Бөйөк Ватан һуғышында артиллерия батареяһы командиры булараҡ ҡатнаша. Батырлыҡтары өсөн I дәрәжә Ватан һуғышы, Ҡыҙыл Йондоҙ ордены, "Батырлыҡ өсөн" һәм башҡа миҙалдар менән наградлана.1949 йылға тиклем хеҙмәт итә. Нәжиб Асанбаев драма әҫәрҙәре менән китап уҡыусылар араһында киң билдәле яҙыусы.

8. Исламов Динис Фәтхи улы 1921 йылда Шишмә районы Яңы муса ауылында ярлы крәҫтиән ғаиләһендә тыуған.Башланғыс мәктәпте үҙ ауылында, ете йыллыҡ мәктәпте Иҫке муса ауылында тамамлай, артабан Өфө "Востоксталь" металлургия рабфагынанда уҡый, тарих уҡытыусылары әҙерләй торған курсты бөтөп Көйөргәҙе районы Таймаҫ урта мәктәбендә уҡытыусы булып эшләй. 1940 йылда ғәскәри хеҙмәткә алына, Ватан һуғышы башланғас, Архангельск хәрби инженерҙар училищеһын тамамлағас, 1942 йылда фронтҡа эләгә, һуғышты Берлиндә тамамлай. Ике тапҡыр Ҡыҙыл Байраҡ, I һәм II дәрәжә Ватан һуғышы, Ҡыҙыл Йондоҙ ордендары, "Батырлыҡ өсөн" һәм башҡа миҙалдар менән наградлана. Һуғыштан һуң "Ҡыҙыл таң", "Совет Башҡортостаны" газеталарында эшләй, 1950 йылда проза жанрына күсә. Күп хикәйәләре, "Йомарт ер", "Мәскәү юлы" романдары киң билдәле.

9. Хафизов Нәжибәк Шаһикамал улы 1921 йылдың 17 декабрендә Учалы районы Ураҙ ауылында тыуған, ошонда уҡ урта мәктәпте тамамлай, Өфөлә тетар училищеһында уҡый. 1942 йылда Ҡыҙыл Армия сафына саҡырыла, флотта хеҙмәт итә. Япон самурайҙарына ҡаршы һуғышта ҡатнаша. Һуғыштан һуң очерктар, хикәйәләр һәм бер актлы пьесалар яҙа. Эстрада өсөн төрлө жанрҙағы әҫәрҙәр ижад итә. Быйыл яҙыусының 100 йыллыҡ юбилейын билдәләйбеҙ.

10. Мөхәмәтйәнов Файыҡ Тимерйән улы 1921 йылдың 10 мартында Башҡортостандың Борай районы Оло Баҙраҡ ауылында тыуған. Быйыл яҙыусының 100 йыллыҡ юбилейын билдәләнек.Бөйөк Ватан һуғышында һәм 1945 йылда совет - япон һуғышында ҡатнаша. Һуғыштан һуң мәктәптә военрук, электровоз машинисы була. Сахалин өлкәһендә парторг, диспетчер, шахта начальнигы ярҙамсыһы булып эшләй. 1965 йылда Башҡорт дәүләт университетының филология факультетын тамамлай.

1954 - 1981 йылдарҙа «Совет Башҡортостаны» гәзите журналисы була, бер үк ваҡытта 1956 - 1958 йылдарҙа һәм 1960 - 1981 йылдарҙа бүлек мөдире вазифаһын үтәй. Әҙәбиәткә 60 -сы йылдарҙа килә. «Оҫта малай» исемле тәүге китабы 1960 йылда нәшер ителә. Файыҡ Мөхәмәтйәнов 11 шиғырҙар һәм поэмалар йыйынтыҡтары авторы.

⇐ Предыдущая 1 2 34