Главная

Контакты

Случайная статья

• Автоматизация
• Антропология
• Археология
• Архитектура
• Биология
• Ботаника
• Бухгалтерия
• Военная наука
• Генетика
• География
• Геология
• Демография
• Деревообработка
• Журналистика
• Зоология
• Изобретательство
• Информатика
• Искусство
• История
• Кинематография
• Компьютеризация
• Косметика
• Кулинария
• Культура
• Лексикология
• Лингвистика
• Литература
• Логика
• Маркетинг
• Математика
• Материаловедение
• Медицина
• Менеджмент
• Металлургия
• Метрология
• Механика
• Музыка
• Науковедение
• Образование
• Охрана Труда
• Педагогика
• Полиграфия
• Политология
• Право
• Предпринимательство
• Приборостроение
• Программирование
• Производство
• Промышленность
• Психология
• Радиосвязь
• Религия
• Риторика
• Социология
• Спорт
• Стандартизация
• Статистика
• Строительство
• Технологии
• Торговля
• Транспорт
• Фармакология
• Физика
• Физиология
• Философия
• Финансы
• Химия
• Хозяйство
• Черчение
• Экология
• Экономика
• Электроника
• Электротехника
• Энергетика

II. Үш харлаан чаш төлге тураскааткан йөрээлдер

II. Үш харлаан чаш төлге тураскааткан йөрээлдер

Үш харлаан хеймер оглумнуң

хылбык-доюнга ак йөрээлим

Кежиктиг хүн үнгелекте,                                                                                                                 

Алдын хүнүм, өршээ!

Авыралдыг амыдырал чаяакчызы

Будда бурганым, Ногаан Дарийги,

Ак Дарийги – ава бурганнарым, өршээ!

Ак сүдүм өргүп чаштым,

Ак орууң алгадым!

Иштии хойнумга азыраан

Угум салгаан, дазыл-дамыр үреним

Алдын-сарыг хоор тараа дег саглаңнаан,

Алдынналган салбак чажың

Артыш-биле арамайлап, айызааштың

Өгбелерден дамчып келген ёзу-биле

Кезер дээш, кеспедим, өршээзин!

«Кедизинде бажың дүгү чаагай болзун!

Эзертеп мунган чүгүрүк аъдың,

Эр бодуңну хей-ат киирзин, өршээ!

Салыр одуң кывынгыр болзун!

Салган сорулгаң бүдүнгүр болзун!

Хая кырлаар шээр малың,

Саап ижер өөр инээң

Өдээң сыңмас элбеп өссүн, өршээ!

Аалың ээлээр алган эжиң

Ажы-төрүүр буянныг болзун!

Сооң салгаар үреннериң

Сарыылдыг-ла болур болзун!

Ус куштуң уязында дег

Улус-чонуң арбын болзун! 

Улуургак сеткилдиг болбайн,

Улугларны хүндүле, өршээ!

Чораан чорууң бүдүнгүр болзун!

Чашкан өргүлүң дээштиг болзун!

Аас-кежииң ойбас болзун!

Курай, сөңүм доктаай берди

Курай! Курай! Өршээ, өршээ!»

Автору: Куулар Лилия Чадамбаевна,

Чѳѳн-Хемчик кожууннуң Теве-Хая сумузунуң Содуна Ольга аттыг культура-дыштанылга төвүнүң методизи

Хылбык байырлалынга йѳрээлдер

Бурун шагдан салгал дамчаан

Будда бурган ѳѳредиинден

Амгы шагда тааржыр хүннү

Арамайлап йѳрээл сѳңнеп айтырып аар.

Ѳртемчейниң чаяалгазын

Ѳѳрүшкүнү делгередир,

Ужур-утка мѳңге сиңген,

Йѳрээл доктаар хылбык байыр!

Мѳчек-мѳчек шыңганнарлыг

Мѳге уктуг чажывыстың

Хылбык доюнуң найырынга

Келгеннерни алгап-мактаал!

Ѳгбе чагыын утпайн чоруур

Ѳѳрүшкүлүг тыва чон бис

Оолдуг кижи оя сѳглээр,

Кыстыг кижи кыя сѳглээр

Чечен-мерген угаан сиңген

Сыгыт-хѳѳмей чаңгыланган тыва чон бис.

Бажым дүгү ѳзүп келди,

Хылбыктаар дээн ѳйү келди

Башкы хамның айтып берген

Шак бо хүн-даа тааржыр болду.

Актаан сүттүг артыш-шаанаа

Агы-каңгы чыды сиңген

Аржаан суглуг йѳрээл сиңген

Авыралдыг даайы бо хүн  хылбыктап тур!

Автору: Сундуй Айдыслана Кыргысовна,

Эрзин кожууннуң Эрзин сумузунуң

Кыргыс Сорукту аттыг районнуң культура ажыңының уран чуул удуртукчузу.