Главная

Контакты

Случайная статья

• Автоматизация
• Антропология
• Археология
• Архитектура
• Биология
• Ботаника
• Бухгалтерия
• Военная наука
• Генетика
• География
• Геология
• Демография
• Деревообработка
• Журналистика
• Зоология
• Изобретательство
• Информатика
• Искусство
• История
• Кинематография
• Компьютеризация
• Косметика
• Кулинария
• Культура
• Лексикология
• Лингвистика
• Литература
• Логика
• Маркетинг
• Математика
• Материаловедение
• Медицина
• Менеджмент
• Металлургия
• Метрология
• Механика
• Музыка
• Науковедение
• Образование
• Охрана Труда
• Педагогика
• Полиграфия
• Политология
• Право
• Предпринимательство
• Приборостроение
• Программирование
• Производство
• Промышленность
• Психология
• Радиосвязь
• Религия
• Риторика
• Социология
• Спорт
• Стандартизация
• Статистика
• Строительство
• Технологии
• Торговля
• Транспорт
• Фармакология
• Физика
• Физиология
• Философия
• Финансы
• Химия
• Хозяйство
• Черчение
• Экология
• Экономика
• Электроника
• Электротехника
• Энергетика

Г-БҮЛЕНИҢ ОНЗА-ЧАРАШ БАЙЫРЛАЛЫ

Тыва Республиканың культура яамызы

Республиканың улусчу чогаадылга болгаш дыштанылга төвү

Тыва Республиканың башкарыкчылар эвилели

ӨГ-БҮЛЕНИҢ ОНЗА-ЧАРАШ БАЙЫРЛАЛЫ

Тыва Республиканың Күрүнениң арагалаашкынга удур программазы ёзугаар болуп эрткен Республика чергелиг өг-бүле байырлалдарының башкарыкчыларының, бот-тывынгыр чогаалчылар болгаш шүлүкчүлерниң аразынга мөөрейниң тергиин ажылдарының чыындызы

Кызыл, 2020 ч.

«Өг-бүлениң онза-чараш байырлалы»:

Тыва Республиканың Күрүнениң арагалаашкынга удур программазы ёзугаар болуп эрткен Республика чергелиг өг-бүле байырлалдарының башкарыкчыларының, бот-тывынгыр  чогаалчылар болгаш шүлүкчүлерниң аразынга мөөрейниң тергиин ажылдарының чыындызы – Кызыл:

КЦО «Аныяк», 2020 –26 а.

Үндүрүлге ниити номчукчуга тааржыр.

Чыындыны чырыкче үндүреринге белеткээннер:

Улусчу чогаадылга болгаш дыштанылга төвүнүң килдис начальниги Урана Намгай-оол,

ук төптүң специализи Диана Монгуш,

чурук каасталгазы Владлен Сааяныы.

I. Чаа төрүттүнген чаш төлге тураскааткан йөрээлдер

Чаш төлге йөрээл

Ада-иеэ чоргааранчыг,

Арат-чонга ачы-чолдуг,

Чону дээштиң сагышсыраар

Човаг билбес кижи болзун!

Төрээн дылды домнап сиилбээн

Төөгүлүг аптаразын черге кагбас

Эртем-билиг шыпшыын тепкен

Эрес эр бооп чурттаар болзун!

Өршээ, өршээ, бурганнарым

Йөрээл сөзүм доктаар болзун!

Ажы-төлүм көвей болзун!

Аас кежик делгерезин!

Ажы-төлүм хеймери боор

Анай кызым божупкан-дыр,

Аа, өршээ, амырадым!

Ам база бирээ начын!

Ала баштыг өгбе кижи

Анаа орган херээм чүү боор!

Өл-ле шара чажымайга

Йөрээл салып, чажыым чажайн.

Өршээ, өршээ, бурганнарым!

Ээр таңдым ээлери!

Эки хүнде, чаагай хүнде

Эрес эр-даа төрүттүндү!

Бодаганнаан чараш уруум

Божуу дүрген дыңзыыр болзун!

Эргек ышкаш шара төлге

Элиг сүдү чедер болзун!

Төрүттүнген чараш төлүм

Доругуучал шуут өссүн

Ада-ие эргелелдиг чылыг сөзүн

Акшайгыже дыңнаар болзун!

Чораан чоруу чогуп чоруур

Чолу бедик чоргаар чорзун!

Кылган үүлези дүрген бүдер

Кылымачы шевер болзун!

Курай, курай курай, курай!

Буян кежик доктаар болзун!

Эки хүннүң кежик чолун

Эдээм долдур дозуп алыйн!

Курай, курай, курай, курай!

Автору: Игнатьева Чодураа Эрес-ооловна,

Каа-Хем кожууннуң культура сайзыралының

төвүнүң методизи