Есеңгіреу (стресс) және оны жеңу тәсілдері

3. Есеңгіреу (стресс) және оны жеңу тәсілдері

Стрессті кез келген организмнің сыртқы ортадағы қандай да бір жағымсыздыққа негізгі реакциясы ретінде анықтауға болады. «Стресс» термині біздің күнделікті тіл оралымымыздағы үйреншікті сөзге айналып кетті. Бұл қысқа да ауқымды сөзге күрделі жағдайларда немесе жоғары қауіпте пайда болатын өз мінез-құлқымыздағы өзгерістер мен сезімдердің және толғаныстардың тұтастай гаммасы туралы елестетуімізді жинақтаймыз.Организміміздің күйзеліс туындаған кезеңдегі жұмысын қоршауға алынған бекініспен салыстыруға болады. Оны қорғауға барлық күш-жігер жұмсалған, алайда мұның да шегі бар. Әлде жау жеңіледі және қоршау алып тасталады, әлде бекініс құлайды, өйткені ешкім мәңгі бақи қорғана алмайды. Дәл осы жағдайда күйзеліс кеселдері пайда болады.Бұл ең алдымен жүрек-қан тамыр және тыныс алу жүйесінің дерттері (жүректің ишемиялық кеселі, инфаркттар, гипертония, демікпе). Кеселдің келесі санатын көбіне - көп дұрыс тамақтанбаумен байланыстырады. Бұл әрқашан дұрыс болып келе бермейді. Әңгіме әр түрлі өмір салтын ұстанатын адамдар жапа шегетін қарын мен ұлтабар, гастриттер жөнінде болып отыр. Стресс ауруларының үшінші санатына эндокриндік ауытқулар мен зат алмасу үдерісінің бұзылыстары жатқызылады.

Күйзелісті жеңудің әр қилы стратегиялары бар. Олардың бірі – эмоцияларды білдіру ептілігі. Екіншісі – жағдайды қайта бағалау, оқиғаның басқа суретін құрастыру және жағымсыз жағдайдың өзінен өзіңіз үшін көптеген пайдалы нәрсені таба білу машығы. Үшінші жол – қайта бағалауға келмейтін жағдайды өзгертуге мүмкіндік беретін мақсатты бағытталған әрекеттер. Жағдай ықтималды қауіпті, күрделі немесе жаңа ретінде қабылдануын доғарғанда, стресс тиылады. Мұнда білуге тиіс жайт, негативтік (теріс) жай-күй тек біздің теріс ойларымызбен ұсталып тұрылады. Нақ солар барлық бәленің көзі болып табылады. Өз ойларыңызбен жұмыс істеуді үйреніп, сіз өз эмоционалдық жай-күйіңізді реттеуді үйренесіз.

Бірінші ереже - өз бойыңыздан теріс ойды қумау, керісінше оған оның басқа ойлар сияқты өмір сүруге өз құқығының бар екеніне түсіністікпен қарау.

Екінші ереже – бұл ойға сыпайы түрде айналып өтуді ұсыныңыз, өйткені әр кезде өзіңізге қызықтырақ, маңыздырақ және пайдалырақ басқа ойлар мен тірліктер бар. Бұл кезде бірден бұл жаңа ойларды, тірліктерді ойлап іске кірісіңіз.

Өмірдегі теріс жағдайда жақсы және пайдалы нәрсені таба білуге үйрену әрқайсымызға маңызды. Себебі өмір қарама-қайшылықтардың бірлігі мен күресінен құралған.

Тақырып бойынша берілетін тапсырмалар:

1. Бекіту сұрақтары:

Стресс дегеніміз не?

Стресске қандай белгілер тән?

Стресске қандай факторлар әсер етеді?

Стресспен күресудің қандай әдіс-тәсілдерін білесіңдер?

2. Тапсырма:Стресстің өту кезеңдері тақырыбынды сызба жүзінде көрсету (сызбада әр кезеңге түсініктеме, мысалы болуы қажет).

3. Тапсырма: Эмоционалдық сфера,Эмоция, Көңіл-күй, Сезім, Құмарлық, Аффект, Стеникалық эмоциялар, Астеникалық эмоциялар, Фрустрация ұғымдары бойынша терминологиялық сөздік жазу.

Тақырып бойынша берілетін үй тапсырмалары:

1. Стресс туралы Г. Сельенің ілімін қарастырып, баяндама дайындау.

Әдебиеттерге сілтемелер:

1. Стресс психологиясы кітаптарына сілтеме: https://vk.com/wall-192938573_323

2. Хрестоматия по этике и семейной жизни https://sheba.spb.ru/shkola/psih-hre-etika-1986.htm

3. https://bookscafe.net/read/posysoev_nikolay-osnovy_psihologii_semi_i_semeynogo_konsultirovaniya_uchebnoe_posobie-253648.html#p1

4. https://vk.com/club192938573 (проблемалық жағдаяттар мен кітаптарға сілтеме).

5. Отбасы психологиясы, психология бойынша кітаптар сілтемесі: https://cloud.mail.ru/public/zZso/4JvTZCU72

6. Психология: Энциклопедиялық сөздік https://adebiportal.kz/kz/books/view/1105https://adebiportal.kz/kz/books/view/1105

⇐ Предыдущая 1 2 3 45