Балдан татлы. баланы һаҡлап. Юл ҡағиҙәләренә каникул юҡ.

Балдан татлы

баланы һаҡлап

Йыл һайын республикала машина аҫтына 500-ҙән ашыу бала эләгә.

Бик хәүефле күрһәткестәр. Төп сәбәп нимәлә икән? Әлбиттә, тәрбиәлә.

Шуға күрә ата-әсәләр ғаиләһенә ҡаза килмәһен өсөн, барыһын да эшләргә тейеш:

Ø балаларға юл ҡағиҙәләрен өйрәтегеҙ, уларға төрлө хәл-осраҡта үҙҙәрен нисек тоторға кәрәклеген аңлатығыҙ.

Ø мәктәп уҡыусыларының юлын өйрәнеп, уның хәүефһеҙ урындарын билдәләгеҙ. Артабан балағыҙға тик шул ерҙән генә юлды үтеү мөһимлеген аңлатығыҙ.

Ø баланы хәүефте алдан күрә белергә өйрәтегеҙ.

Әлбиттә, ололар һәр ваҡыт эш менән мәшғүл, уларҙың мәңге ваҡыты юҡ. Шулай ҙа:

Ø балағыҙ өсөн бер көн буш ваҡыт табып, уның менән ҡала урамдары буйлап йәйәү йөрөп килегеҙ.

Ø балағыҙҙың юл ҡағиҙәләрен ниндәй кимәлдә белеүен һәм үтәүен тикшерегеҙ.

Ø уның мәктәпкә тиклем юлын икәүләшеп өйрәнегеҙ.

Ø балағыҙҙың велосипед, мопед, скутер тураһындағы хыялын тормошҡа ашырыр алдынан, тәүҙә йәшәгән ерегеҙҙең юл ҡағиҙәләре яғынан хәүефһеҙлегенә иғтибар бирегеҙ.

Баланың үҙ урамынан сығып икенсе яҡҡа йүнәлеүе бар. Ә машиналар йөрөгән юлда үҫмерҙәр генә түгел, ә водитель таныҡлығы булған кешеләр ҙә юғалып ҡала.

Шулай уҡ РФ закондарына ярашлы,

ü юл буйлап велосипедта йөрөү – 14,

ü мопедта 16 йәштән генә рөхсәт ителә.

Бөгөн руль артында ултырған өлкәндәр янында баланы ла күрергә мөмкин.

Хөрмәтле ата – әсәләр, ҡағиҙә барыһына ла бер:

v үҙегеҙ руль артында саҡта 12 йәше тулмаған баланы махсус автокреслола йөрөтөүҙе,

v 12 йәштән һуң хәүефһеҙлек ҡайышын эләктерергә кәрәк икәнлеген онотмағыҙ.

Юл ҡағиҙәләренә каникул юҡ.

Шуға күрә:

v каникул мәлендә балағыҙ ҡайҙа ғына ял итһә лә, уға юл ҡағиҙәләре тураһында иҫкәртергә онотмағыҙ.

v уларҙы урамда яңғыҙ ҡалдырмағыҙ,

v машина юлында уйнарға рөхсәт итмәгеҙ.

12 3 4 Следующая ⇒