“Жыціе Ефрасінні Полацкай” 9 клас

Стр 1 из 2Следующая ⇒

Міністэрства адукацыі Рэспублікі Беларусь

Установа адукацыі

“Гомельскі дзяржаўны ўніверсітэт імя Францыска Скарыны”

“Жыціе Ефрасінні Полацкай” 9 клас

( 1 гадзіна)

План-канспект

Выканала:

Студэнтка 4 курса

Групы БФ-42

Філалагічнага факультэта

Міхалкоўская Ганна

Гомель 2012

Тэма: “Жыціе Еўфрасінні Полацкай”

Мэты:

- прасачыць асноўныя этапы біяграфіі выдатнай беларускай асветніцы;

-даць паняцце жыція як жанра старажытнай літаратуры;

- пашырыць уяўленні вучняў аб значэнні дзейнасці асветніцы;

- выхоўваць любоў і павагу да гісторыі роднага краю

Абсталяванне: партрэты Ефрасінні Полацкай, відэафільм “Ефрасіння Полацкая”

Ход урока

I. Арганізацыйны момант.

Прывітанне. Праверка адсутных.

II. Паведамленне тэмы і мэты ўрока.

Слова настаўніка:

Тэма нашага сённяшняга ўрока “Жыціе Ефрасінні Полацкай”. Мы з вамі паспрабуем прасачыць асноўныя этапы біяграфіі выдатнай беларускай асветніцы, разгледзім паняцце жыція як жанра старажытнай літаратуры, а таксама пашырым уяўлене аб значэнні дзейнасці асветніцы.

III. Псіхалагічная падрыхтоўка да ўспрымання матэрыялу.

Слова настаўніка: (мэта падрыхтоўка вучняў да ўспрымання новага матэрыялу)

- У Евангеллі ёсць цудоўная прытча пра сейбіта, які вясной выйшаў у поле, каб даверыць зямлі каштоўнае зерне будучага жніва. Ідзе сейбіт па свежых барознах і старанна рассейвае насенне. Частка зерне падае пры дарозе, частка – на камяністую глебу ці ў зямлю, зарослую калючкамі. Але тое, што ўпала на добрую глебу, дасць у сто разоў багацейшы ўраджай.

Вось такім першым вялікім сейбітам духоўнага насення – сярэднявечнай духоўнай культуры, хрысціянскай веры, дасягненняў еўрапейскай і сусветнай цывілізацыі на стсрабеларускіх землях – была наша славутая асветніца князёўна Прадслава са славутага горада Полацка, якая на заранку нашай гісторыі, у дванаццатым стагоддзі, зразумела вялікую ролю асветы ў жыцці народа і аддала гэтай справе ўсе свае здольнасці і сілы.

ІV. Вывучэнне новага матэрыялу.

1. Прагляд відэафільма “Ефрасіння Полацкая”( Метад дэманстрацыі спалучананы з апераджальным заданнем “Біяграфічныя вакенцы”(дадатак №1) з мэтай азнаямленння вучняў з жыццём і дзейнасцю Ефрасінні Полацкай).

2. Слова настаўніка (Эўрэстычна гутарка спалучаная з тэарэтычнай даведкай з мэтай азнаямлення з жанрам “жыціе”)

-Што вы ведаеце пра такі жанр старабеларускай літаратуры як “жыціе”?

- Жыціе- гэта жанр старажытнай літаратуры, апавядане пра жыццё, подзвіг і пакуты людзей, якія прызнаны царквой святымі. Першы жыціі ў Кіеўскай Русі былі перакладнымі(з грэчаскай і балгарскай моў), уласныя з’явіліся на Беларусі ў 12-14 стст. Да іх адносяцца: “Жыціе Ефрасінні Полацкай”, “ Жыціе Аўрамія Смаленскага”, “Аповесць пра Меркурыя Смаленскага” і інш. Ад мастацкіх біяграфій- жанру таксама папулярнага шчэ з часоў Антычнасці- жыці адрозніваюцца ўласцівай ім рэлігійнай мэтай: малюецца ідэальны прыклад хрысцініна як узор для пераймання.

12 Следующая ⇒