Кондак 11

Икос 10

Ты стена верующим людям, Архистратиже Божий, и столп крепкий на брани с врагами, видимыми и невидимыми: сего ради от сетей бесовских тобою избавляемые, сердцем и устами благодарно воззовём тебе так:

● Радуйся, врагам Веры и противникам Святой Церкви непобедимый противоборник;

● Радуйся, смиренным провозвестникам Евангелия неутомимый и скорый споручник.

● Радуйся, во тьме зловерия сидящих, светом Веры Христовой просвещающий;

● Радуйся, лжемудрием объюродевших на стезю истины и покаяния наставляющий.

● Радуйся, клянущимся Именем Божиим всуе грозный отомститель;

● Радуйся, глумящихся безумно над таинствами Святой Веры каратель молниеносный.

● Радуйся, Михаиле, великий Архистратиже, со всеми Небесными Силами.

Кондак 11

Пение всякое хвалебное побеждается множеством чудес твоих, Архистратиже Божий, что совершены тобою не только на небесах и на земле, но и в тёмных сенях преисподни, где глубинного змия связал ты узами Силы Господней, да избавляемые от злобы его благословят Владыку небес и земли, взывая: Аллилуйя!

Икос 11

Светоносным служителем истины и чистоты богопочитания явился ты, Архистратиже, когда, провидя козни духа тьмы, воспретил ему Именем Божиим, да не дерзнёт сокровенное тело почившего вождя Израилева Моисея явить для обожания чувственным сыновьям Израилевым: сего ради, чтущие ныне благосветлый собор твой, благодарно воззовём тебе так:

● Радуйся, чистоту боговедения во дни Ветхого Завета среди иудеев сохранивший;

● Радуйся, плевелы заблуждений во дни Нового Завета благодати множество раз искоренивший.

● Радуйся, языческих прорицателей и кумиров истребитель;

● Радуйся, христианских подвижников и страстотерпцев укрепитель.

● Радуйся, немощных духом силою благодати Божией исполняющий;

● Радуйся, изнемогающих плотью всеоружием Веры облекающий.

● Радуйся, Михаиле, великий Архистратиже, со всеми Небесными Силами.

⇐ Предыдущая 1 234 5 Следующая ⇒