Кондак 2. Кондак 3. Кондак 4. Кондак 5. Кондак 6. Кондак 7. Кондак 8. Кондак 9. Кондак 10

Кондак 2

Провидя очами Веры величие духовной красоты и силу молниеносной десницы твоей, Архангеле Божий, мы, земные и плотью обложенные, с удивлением, радостью и благодарением ко Творцу всего исполнившись, воззовём со всеми Небесными Силами: Аллилуйя!

Икос 2

Разум чист и свободен от страстей испроси нам, пречудный Михаиле, Небесных чинов начальник, да, вознесёмся мыслью от земных к Небесным, и хвалебную песнь воспоём тебе так:

● Радуйся, неизречённых красоты и доброты Божьих ближайший наблюдатель;

● Радуйся, всеблагих советов Пресвятой Троицы преискренний тайнохранитель.

● Радуйся, предвечных судеб Троических верный исполнитель;

● Радуйся, тебе с любовью удивляются Небесная воинства.

● Радуйся, тебя с Верою прославляют земнородные;

● Радуйся, перед тобой трепещут адские силы.

● Радуйся, Михаиле, великий Архистратиже, со всеми Небесными Силами.

Кондак 3

Силу несокрушимой ревности по славе Божией в себе являя, стал ты во главе ликов ангельских, Михаиле, супротив дышащего злобою, прегордого денницы, и его, со всеми темными сторонниками его, с высоты небесной в преисподнюю низвергнул. Видя сие воинства Небесные, тобою преславно водимые, с веселием, пред Престолом Божиим, согласно, как едиными устами, возгласили: Аллилуйя!

Икос 3

Имеет в тебе, Архангеле Михаиле, весь род христианский великого заступника и дивного на брани с противниками помощника: сего ради пречудного покрова твоего сподобится желая, в день торжества твоего взываем к тебе так:

● Радуйся, тобою сатана, как молния, с Небес низвержен был;

● Радуйся, тобою хранимый род человеческий к Небесам восходит.

● Радуйся, всесветлого мира Горнего предивное украшение;

● Радуйся, падшего мира дальнего преславное заступление.

● Радуйся, никакими силами зла не побежденный;

● Радуйся, со всеми Ангелы Божиими во истине и правде на веки благодатью Божией утвержденный.

● Радуйся, Михаиле, великий Архистратиже, со всеми Небесными Силами.

Кондак 4

От бури искушений и бед избавь нас, Ангелов первопрестольник, с любовью и радостью пресветлое торжество твоё совершающих: ибо ты есть в бедах великий помощник, и в час смерти от злых духов хранитель и заступник всем, взывающим к твоему и нашему Владыке и Богу: Аллилуйя!

Икос 4

Видя твоё против полчищ сатанинских дерзновение, все чины ангельские с радостью подвиглись вослед тебе на брань за Имя и славу своего Владыки, воскликнув: «Кто как Бог? » Мы же, видящие сатану под ногами твоими поверженным, тебе, как победителю, воззовём:

● Радуйся, тобою мир и тишина на Небесах водворились;

● Радуйся, тобою духи злобы с Небес до ада низложились.

● Радуйся, ангельские воинства и силы мира невидимого ко истреблению зла направляющий;

● Радуйся, прение и возмущение стихий мира видимого незримо укрощающий.

● Радуйся, воздвигнувших на брань с духами злобы поднебесной дивный соратоборец;

● Радуйся, изнемогающих во искушениях и напастях века сего крепкий помощник.

● Радуйся, Михаиле, великий Архистратиже, со всеми Небесными Силами.

Кондак 5

Боготочным источником превеликих чудес явился ты во храме твоём, что в Хоне; ибо не только змий великий и страшный, на месте том пребывающий, силою твоею истребился, но и струи водные, всякий недуг телесный врачующие, открылись, да все тебе, прославленному Воеводе Ангелов с верою взывают: Аллилуйя!

Икос 5

Слышащие и ведающие тебя как светило великое, посреди ликов ангельских блистающие, пречудный Михаиле, к тебе, в Боге и Пресвятой Матери Божией, прибегаем: озари лучами света твоего всех нас, взывающих к тебе так:

● Радуйся, вождь и хранитель в пустыни народа богоизбранного;

● Радуйся, высокий посредник Закона, рукою Моисея на Синае данного.

● Радуйся, тобою судьи и вожди Израилевы силу и покров обретали;

● Радуйся, чрез тебя пророки и первосвященники иудейские дар ведения от Всеведущего Бога принимали.

● Радуйся, богобоязненным законодавцам тайную премудрость подававший;

● Радуйся, суд и правду творящим благость на сердце полагающий.

● Радуйся, Михаиле, великий Архистратиже, со всеми Небесными Силами.

Кондак 6

Провозвестника Божиих судеб тебя узрел некогда Маной, недоумения и страха исполнившись, помыслил, что не жить ему на земле, но научен был от жены своей о благости явления и кротких словах твоих, и в радости об имевшем родится, по слову твоему, сыне его Самсоне, благодарно воззовём Богу: Аллилуйя!

Икос 6

Воссиял ты пречудно славою, Михаиле, когда в образе человеческом пред Иисусом Навином встал, возглашая: «Разуй сапог с ноги твоей: я есть Архистратиг Силы Господней». Такому чудному явлению твоему дивясь, с любовью воззовём тебе:

● Радуйся, боговенчанных глав неусыпный хранитель;

● Радуйся, противящихся власти, Божием повелением поставленной, скорый низложитель.

● Радуйся, народных треволнений усмиритель;

● Радуйся, злочестивых обычаев незримый упразднитель.

● Радуйся, в лютый час в недоумении сомневающихся просветитель;

● Радуйся, искушаемых от пагубоносных наваждений похититель.

● Радуйся, Михаиле, великий Архистратиже, со всеми Небесными Силами.

Кондак 7

Восхотел Владыка всего показать, что жребий сынов человеческих не случаю подвержен, но в деснице Его всегда содержится, и дал тебя царствам земным, как заступника и хранителя, дабы ты племена и народы к вечному Царствию Божию уготовлял; сего ради все, ведущие о великом служении твоём спасению человеческому, благодарно воззовут Богу: Аллилуйя!

Икос 7

Новые чудеса показал нам, Архистратиже, тобою на земли всех чудес Творец и Владыка, когда храм, во имя твоё созданный, от потопления водами речными дивно спас ты, повелев струям потока в недра земные устремиться. Видя сие блаженный Архипп с духовными чадами своими, благодарно к тебе воззвал:

● Радуйся, святых храмов Божиих несокрушимая ограда;

● Радуйся, врагом веры Христовой неприступная преграда.

● Радуйся, твоему велению стихии покоряются;

● Радуйся, тобою все злобные замыслы сокрушаются.

● Радуйся, верным радость от Престола Вседержителя приносивший;

● Радуйся, неверных на стезю правды и истины приводящий.

● Радуйся, Михаиле, великий Архистратиже, со всеми Небесными Силами.

Кондак 8

Странное чудо силы твоей, Архистратиже Божий, увидел на себе Аввакум, когда по манию Божию восхитив, перенёс ты его молниеносно от Иудеи в Вавилон. И ты же явил чудо, подавая пищу Даниилу, во рве со львами заключённому. Удивляясь превеликому действию силы твоей, воззовём с верою: Аллилуйя!

Икос 8

Ты в вышнем мире, Михаиле, к Престолу Царя Славы предстоишь, но и к нижнему миру не далёк, всегда ратуя со врагами спасения человеческого, посему все, вожделенного Отечества Небесного достигнуть хотящие, согласно к тебе взывают:

● Радуйся, трисвятого ангельского пения начальник;

● Радуйся, всегда готовый предстатель и хранитель земнородных.

● Радуйся, прегордого фараона с неверными египтянами дивным образом поразивший;

● Радуйся, верных иудеев в пустыни преславно путеводивший.

● Радуйся, тобою погасился пламень печи вавилонской;

● Радуйся, тобою посрамляются козни бесовские.

● Радуйся, Михаиле, великий Архистратиже, со всеми Небесными Силами.

Кондак 9

Все иноки Святой Горы Афонской в радостный трепет пришли, узрев, как богобоязненного отрока, жестоко нечестивыми златолюбцами во глубину морскую с камнем поверженного, спас ты, приняв его в обитель, именем твоим украшенную, благодарно воззвали к Господу: Аллилуйя.

Икос 9

Никакие великие слова и любомудрые мысли не довлеют ко изложению силы твоей, Михаиле, как в единую ночь сто восемьдесят пять тысяч поразил ты воевав с царём ассирийским Сеннахиримом, да накажутся прочее не хулить Имя Господне: мы же, почитающее святую ревность твою о славе Бога Истинного, с веселием воззовём тебе так:

● Радуйся, православных воинств непобедимый Воевода;

● Радуйся, зловерных ратей страх и низложение.

● Радуйся, правой Веры и богопочитания насадитель;

● Радуйся, душевредных ересей и расколов искоренитель.

● Радуйся, благочестивых Маккавеев множество раз на поле брани укрепивший;

● Радуйся, нечестивого вождя Антиоха Илиодора в самом храме поразивший.

● Радуйся, Михаиле, великий Архистратиже, со всеми Небесными Силами.

Кондак 10

Нам, спастись хотящим, будь помощником твердым, Архистратиже Божий, избавляй и охраняй нас от бед и напастей, паче же от злых навыков и грехов наших, да преуспеем в вере, в надежде и любви Христовой, с радостью о предивном заступлении твоём, Воевода Ангелов и людей, благодарно воззовём: Аллилуйя!

⇐ Предыдущая 123 4 5 Следующая ⇒