Веткаўскі р., в. Янова. Ці дома, дома сам пан-господар. Жлобінскі р-н. Чачэрскі р, в. Матневічы

Веткаўскі р., в. Янова

Дзеўцы:

А ў лузі, ў лузі на пірявозі,
Святы вечар добрым людзям!
Красная Манічка пірявоз дзіржала,
Пірявоз дзіржала, пірявожала.
Як прыйшло ік ёй два халосценькі:
– Красная Манічка, пірівязі нас.
Мы скажым табе дзіва дзіўноя,
Дзіва дзіўноя шчэй дзіўнейшая,
Што ў нас аб Раждве роза расцьвіла,
Што ў нас на Пятро Дунай замірзаў.

Ці дома, дома сам пан-господар

в. Тонеж, Лельчыцкі р-н

/гаспадарам/

[– Ці] дома, дома сам пан-господар?

Шчодры вечор, сам пан-господар,

Шчодры вечор, сьеты Васілей.

– Ой, нема, нема – ў гуменцы седзіць,

Ў гуменцы седзіць, пшаніцу вее.

– Ой, ходземо, мо дый помогомо.

– Ці дома, дома ды его жона?

– Ой, нема, нема – ў пекарні седзіць,

Ў пекарні седзіць, пірогі печэ.

– Ой, ходземо, мо дый помогомо.

Ці не дасць жэ нам хоць по пірогу.

Жлобінскі р-н/дзеўцы/

[Моло]да Манечка раненько ўстала,

Святы (ж) вечор.

Раненько ўстала, косу чэсала,

Косу чэсала, й у цэркоўку йшла

У цэркоўку йшла, паня вітала.

Паня вітала: – Чыя ты дочка?

Ці ты попоўна, ці корэлеўна?

Я не попоўна, ня корэлёўна,

Слаўная дочка слаўного бацька.

Вжэ ж мо песеньку допеваёмо ж,

Шчасцем, здороўем надзяляёмо.

Жлобінскі р-н

Ой, чок-чок, чок-чок(ы),
На горы ж воўчок(ы),
На горы воўчок(ы)
З воўчэнятамі.

На горы воўчок(ы)
З воўчэнятамі.
А пуд горой коза
З козленятамі

– Ох ты ж, козанька,
Ох ты ж, серая,
А ты свое дзеткі
Не годовала.

Ты свое дзеткі
Ні годовала,
А ты свое дзеткі
Пороспускала.
Ох ты ж, козанька,
Ох ты ж, серая,
А дзе рогі дзела?
– Да на соль проела.

– Чым цябя білі,
Чым ця таўчылі?
– А рожкамі-рожкамі,
Колкамі-колкамі,
Ох, дубовымі, березовымі.

Чачэрскі р, в. Матневічы

- Ты, цыганачка Ганна, (2 р. *)
Чаго ў цібя лічэнька гарна? (2 р. *)

А ці цібя цыган маліваў,
Чорныя бровачкі дараваў?

Чорныя бровачкі да ліца,
Да харошага малайца.

- Ты, цыганачка... - А што?
- Цюлюхоў матры! - За што?

- Харошую дочку маеш,
Чаго гуляць не пускаеш?

Вёска Стаўбун, Веткаўскі раён, Гомельская вобласць
Шчодры (пяюць хлопцу)
На луцэ, на луцэ, у шоўкавай траве
Святы вечар, добрым людзь(ям)! *
Млады Лёнечка конікаў пасе
Конікаў пасе з канём гаварыць
Ой, конь, ты мой, конь, я цібе прадам.
Я цібе прадам, за лук за стрэлку.
За лук за стрэлку, за красну дзеўку.
Я стрэлэку забью, я дзеўку вазьму.

Шчодры (пяюць дзеўцы)
Ой, рана-рана, куры попелі.
Святы вечар, добрым людзь(ям)! *
А яшчэ раней дзевачка ўстала.
Раненько ўстала, тоненько прала.
Сваёй мамачцы на рукавачкі.
Свайму татачку на рубашачку.
Сабе маладзей на подарачкі.

*Паўтараецца пасля кожнага радка

⇐ Предыдущая 12