Лельчыцкі р., в. Тонеж. Жыткавіцкі р., в. Пагост. в. Казацкія Балсуны, Веткаўскі р-н. Добрушскі р., в.Перарост. Жлобінскі р.

Лельчыцкі р., в. Тонеж

О-го-го, коза, жэ ого-го, сера,
Не ходзі, коза, жэ ў чыстые поле.
Ў чыстом у полі жэ там жыто росце.
Дзе коза ходзіц(і) – там жыто родзіць,
Дзе коза туп-туп(ы) – там жыто сем куп,
Дзе коза рогом(а) – там жыто стогом.
О-го-го, коза жэ, ого-го, сера,
Не ходзі, коза, жэ й укругом села.
Й укругом села жэ гарные стральцы
Радзяцца іці жэ козочку ўбіці,
Козочку ўбіці жэ, шкурку блупіці,
Шкурку блупіці жэ, шубку пошыці.
О-го-го, коза, ого-го, сера,
Поклонісь, коза, хазяіну ў ногі,
Шчэй господыні, і шоб подарылі.

Жыткавіцкі р., в. Пагост

Паехала Каляда із канца у канец,
Заехала Каляда да Сцепаначка. (2 р. *)
Ты, Сцепаначка, не гуляй, не гуляй,
Вары піва, жэні сына, да і нас прыглашай.
Паехала Каляда із канца у канец,
Заехала Каляда дай да Ганначкі.
А ты, Ганначка, не гуляй, не гуляй,
Вары піва, отдай дочку, да і нас прыглашай.
Паехала Каляда калядуючы,
Паехала Каляда дай гуляючы.

в. Казацкія Балсуны, Веткаўскі р-н

Ой, рана-рана куры запелі,
Святы вечар, куры запелі!
Куры запелі, пад печ пабеглі.
А раней таго дзевачка ўстала,
Дзевачка ўстала, хусты качала,
Хусты качала, прыбіралася,
Прыбіралася, у цэркву ішла,
У цэркву ішла Богу маліцца,
Богу маліцца, Хрысту кланяцца.

Добрушскі р., в. Перарост

Ходзя Ілля на Васілля,
Нося пугу дрэцянаю, плецянаю.
Дзе пугой махая – там жыта ўлягая.
Хай табе, цёцечка, Бог памагая!

Жлобінскі р.

Запіс В. Ліцвінкі.

Дзеўцы:
Ой, рано-рано куры папелі,
Святы вечор дай добрым людзям!
Яшчэ параней Ніначка ўстала,
Ніначка ўстала, коску чэсала,
Коску чэсала, на рады клала,
На рады клала, у царкоўку йшла.
А ў той царкоўцы тры попы ўсталі,
Тры попы ўсталі – службу служылі,
Службу служылі, поўмуляліса,
Поўмуляліса, дай путаліса:
– Ці ты попоўна, ці королёўна?
– Я не попоўна, не королёўна,
Я та паночка, Янова дочка.

12 Следующая ⇒