ш хүрүм, Хей-аът саңы, Таңды саңы, Сержим, Ленчак торма)

⇐ ПредыдущаяСтр 2 из 2

КЬЕЭ!

8) Сеткилдерден бодарап келген дилээшкиннер чедер-четпестиг.

Кем-херекче киирип болгу дег, хай-бачыттан долу адырар,

Бүгүдеге мѳзү-шынарны шаңнап чоруур Үш-Эртинелер,

Хүрээлели Буян-Шѳлүнге күдүк базып тейлеп-мѳгейдим.

9) Чыргал-дыштыг, бодундан куруг, орук-чолдуг байлак ѳргүлдү

Арыглааштың, хуулдуруп алгаш, кѳвүдеткеш ѳргүп-сѳңнедим.

Ол дээрге-ле он чүзүн чулук: дѳрт далайның арыг хемнери,

Каас-чараш чечек-чимистер, булутталган айдыс-күжүлер,

10) Угаан чырыткызы чулалар, чаагай чыттыг аржаан баштары,

Овааланган элбек аъш-чемнер, тааланчыг аялга-үннер,

Үш ал-боттуң ѳргүлү болуп, чер-дээр делгемнерин долдурду.

Алдын-мѳңгүн сускуну хуулуп чажыт-чыргалаңны болдурду.

11) Иштин-даштын-чажыт ѳргүлдер, Мерген-угаан биле ак-сеткил

(эътиг, ханныг, кызыл ѳргүлдер - хем-суг ээлеринге хоржок)

Сиңирип каан «Торумбаларны» Чыглып келген Буян-Шѳлүнге,

Алды оран, үш ѳртемчейге сеткилимден ѳргүп-сѳңнедим:

12) Кызыл сандан, ак ѳңнүг сандан, агар, кабур, сила, куркума,

Дзати, күжү(ак), тали, сулу дээш, оон-даа ѳске эм-дом үнүштер,

13) Янзы-бүрү тараалар, чемнер, арыг бодал, чырык күзелдер,

Чүзүн-бүрүн торгулар, пѳстер ёзулалды күштелдириптер.

14) Саңның тургузуу бооп чедишкен, изиг оттан ѳртенип үнген,

Харыы сеткил, ханы бодалдар сылдыстарлыг айны дуглай бээр.

15) От-кѳс долу чылыг бодалдар оожургалдыг байдал тургузар:

1. Үндезинниг Күрү-Башкымга, Саңны өргүп сөңнеп олур мен!

2. Делгем орук Башкыларынга, Саңны өргүп сөңнеп олур мен!

3. Ханы кѳрүш Башкыларынга, Саңны өргүп сөңнеп олур мен!

4. Ак-оруктуң Башкыларынга, Саңны өргүп сөңнеп олур мен!

5. Кадам дизии Башкыларынга, Саңны өргүп сөңнеп олур мен!

6. Декпе-Чада Башкыларынга, Саңны өргүп сөңнеп олур мен!

7. Ниңма-ёзу Башкыларынга, Саңны өргүп сөңнеп олур мен!

8. Түңнел-агым Башкыларынга, Саңны өргүп сөңнеп олур мен!

9. Алды-йозу Башкыларынга, Саңны өргүп сөңнеп олур мен!

10.Тайбың чорук Башкыларынга, Саңны өргүп сөңнеп олур мен!

11. Махамудра Башкыларынга, Саңны өргүп сөңнеп олур мен!

12. Дамчыдылга Башкыларынга, Саңны өргүп сөңнеп олур мен!

13. Катыштырыг Башкыларынга, Саңны өргүп сөңнеп олур мен!

14. Арга-Сүме Башкыларынга, Саңны өргүп сөңнеп олур мен!

15. КЬЕ! Авыралдыг Шакья-Муниге, Соңгу-Назын тѳрүмелинге,

Сутра-Тантра Башкыларынга Саңны өргүп сөңнеп олур мен!

16.Коргужу чок Очур-Маадырга,Суңдуй, Демчог, Кьедор-Хеваджра,

Төрениң дѳрт чажыт агымын өйлеп чоруур Дуюнкор Идамга,

Үш үениң Буддаларынга, Бойдуларга, Алды-холдугга,

Ѳндүр байлак эртинелерлиг Куршел, Шакши, Намзырайга дээш

Ѳѳредигниң доскуулдарнга Саңны өргүп сөңнеп олур мен!

17. Шитакага, Пар мунганнарга, Хѳѳр ээзинге, Палден-Лхамога,

Даңгыраанга шынчы бердинген ак талада шериглерге саң!

18. Сарыг-Шажын оруун камгалап Сезен дѳрт муң Ѳѳредиглерни

Боттандырган ѳргүл чыыжынга, ак орукче киргеннерге саң!

19.Черде бурганнарның чыыжынга, Чер-чурт ээлериниң чонунга,

Улуг Агарты-Хаан чыыжынга: Беш ал-ботка, Рахула, Цериң,

Чыл, ай, чеди-хонук, шак, тыныш – бо үени чогудуп турар

Бурганнарга, чонга, бистерге, хүрээ-хииттиң девискээринде

Ѳѳредилге агымын туткан, чарылбайын чоруур эштерге,

Карактажып чоруур салымныг, тѳрелсирээн деңгерлерге саң!

20. Шупту аза-четкер-шулбустар, шак ол ышкаш эдеренчилер,

Ѳре-шире сүрген улуска Саңны өргүп сөңнеп олур мен!

21. Угаан-биле бодап четки дег, шыдажыр-даа аргажок берге,

Чер адаанда тамы дүвүнде, доңуп-дожап, өртенип чоруур,

Аштап-сускаан амылыгларга, Саңны өргүп сөңнеп олур мен!

15) Очалаңдан хосталып алгаш чыргалаңда чоруурларымга,

Очалаңдан долу хосталбайн човулаңда чоруурларымга,

Шуптузунга тааржыр бодалдар, шуптузунга күзээн бүзүрел

Боттангаштың бүде бээр кылдыр Саңны өргүп сөңнеп олур мен!

16) Ал-бодумдан, боттарывыстан, ырак-чоокта амылыглардан,

Хайлыг бачыт, шаптараазынар арыглангаш эстип-хайылзын!

(Үш хүрүм, Хей-аът саңы, Таңды саңы, Сержим, Ленчак торма)

17) Үш ал-бодум, байлак ѳг-бүлем, тѳрел-чонум, хүрээлеливис,

Демниг болуп кезээ-мѳңгеде карактажып чоруулуңарам!

Делегейниң кайызынга-даа, Орук-Чолун чогудаалыңар!

Кымнарга-даа, камывыска-даа, кара сагыш болдурбаалыңар!

18)Амыдыраар чырык күзелдер чайгаар бүдүп боттаны берзин.

Иштин-даштын чажыт нүгүлдер, аарыг-ажык, доора, хай-бачыт,

Шаптараазын болу берги дег, дайынсырак улус, ооржулар,

Дээрбечилер, үптекчилер-даа оожургап чавырылзыннар!

19) Дээди алды мѳзү-шынарлар чаагай назы-харны байыдар.

Куруг шынар овур-хевирлиг - Сарыг-Шажын оруу чедингир.

Карачал-даа амыдыралга ажыл-агый бүдүнгүр болзун.

Мага-боттуң каң кадыкшылы, аал-оран, ѳнчү-хѳренги

Ай чаазы дег чоорту улгадып сайзырап-ла турар болзунам!

20) Очалаңда болгаш оон үнген тос күзелдер, хереглээшиннер,

Оран санай амылыгларга чедип алыр сорулганы бээр.

Долу эрге-шѳлээ чаларап, сеткилдерни хандырар болзун!

21) Тиилелгени эдилеп чоруур Бурганнарның, чүдүкчүлерниң

Шынчы чоруу быжып келгенде, тиилелгениң тугун көдүрген

Менден болгаш дѳгеревистен: кылык-килең, хандыкшыыр чорук,

Менээргениг, мугулай чорук когу-биле чиде-ле берзин!

22) Ажыт-чажыт илби-шидиниң дээди болгаш бѳдүүн шынары

Кызымакай чүдүкчүлерге ам бо дораан боттаны берзин!

Үндезиниг Будда Башкыдан чедип келген камгалал чаглаа,

Чүдүлгени тудар сагылдар, чиик-чаагай боттаны берзин!

23) Буян-Шѳлү долган херелдер, бүгү дириг амылыгларның

Үш ал-боттуң хирин арыглааш, бүгүдеге айызын шаңнап,

Үжен эжиктерин ажыдып, ёзулуг шын ханы уткалыг,

Ужур-чөптүг үүле-херектичогуур кылдыр шуудадыптылар!

24) «ОМ - АХ - ХУМ – МУ» –

Оваа-Саңга келген аалчылар, өргүлдерни четтирип алгаш,

Он чүктерже олча-омактыг, өѳрүшүлүг тарап чаныптар.

Буян-Кежиин Өргүп доозары:

92) Орук-Декпе чадаларынга

Кызымакай чүткүлдүүм-биле

Чыып чорааш чедип алганым

Буян-Кежик чедингир болзун.

97)

Чырыткылыг Будда Бурганга,

Сарыг-Шажын билиглеринге,

Ыдык Чүдүкчүлер чыыжынга

Даяныптар күштүг бүзүрел

102) Бүгү дириг амылыгларның

Угаанынга быжыгар болзун.

Ооң-биле үш эртинениң

Орук-чолун хүлээп ап чорзун.

103) Моон соңгаар бо делегейге

Эмнеттинмес аарыг-аржыктан

Аш-чуттардан, дайын-чаалардан

Човулаңнар чер-ле турбазын.

104) Эрте берген чуртталгаларда

Дөгерези авам бооп чораан

Бүгү дириг амылыгларым

Азып-тенип муңчулбазыннар.

105) Ак орукту айыткап чоруур

Эртинелиг башкыларынга

Амылыглар ужурашкаштың

Кежик-чолун чаалап алзыннар.

106) Соңгу оруун тодарадып алгаш,

Эчис-төнчү дыштаныышкынныг,

Долу чырыткылыг байдалга

Удавайын чедип саадазын.

107) Арыг шынчы алдынып чораан

Чорук-херээ үре-түңнелдиг

Бойду-Садыларның болгаштың

Буддаларның айызы-биле

108) Шак ол ышкаш мээң бодумнуң

Бедик чүткүлүмнүң күжү-биле,

Номчуп дооскан чалбарыгларым

Чогумчалыг боттаны берзин. Кураай-Курай!

«Сарыг-Шажын сайзыралынга» ай санында, бодунуң хире-шаа-биле өргүл кылырда, Тыва судурларның үндезилекчизи болур Ооржак Шолбан Башкының агар саны бо дугаарында,

900: 8(923)267-75-66.

Бир болза, СБЕРБАНК, РСХБ картазының дугаарын айтырып ап база болур силер. Өргүл кылыксавас кижиге, өргүл чоргузары албан эвес. Буян-Кежикти кижилерниң боттары чыып ап чоруурга, боттарынга эки болур!

«Тыва Судурларның» үндезилекчизи;

Лопсаң Карчен Башкы (Ооржак Эмей-Оглу Шолбан).

Чурттап чоруур Хүрээзи: Самагалдай суур, ул.Дружба-64.

⇐ Предыдущая 12