Орууңар дески чорзун, олча-омааңар улгадып чорзун!

«Орууңар дески чорзун, олча-омааңар улгадып чорзун!

Чорууңар чогунгур болзун, чонуңар буянныг болзун! »

«Таши-Черпа саңы» Кябдо, семджи.

(Чаңгыс баштыг Маадыр-Бурган бооп, эжим биле кѳстүп тывылдым).

0) Чечи берген чаагай торумба – Иштин, даштын, чажыт ѳргүдер,

Чечен-Мерген угаан бойдузу, энерелдиг сеткил сиңирген.

Октаргай дег элбек аржаан бооп, чырыткылыг бодал агымы,

Черниң-дээрниң делгемнеринге дээди сѳңнер болуп тывылды:

«ОМ АХ ХУМ» – деп үш катап номчааш, ам саңны кыпсып болур.

1) ОМ,Үш ачылыг Үндезин Башкым – Лама, Лопсаң, Туваң, Доржечаң

Чүрээнден кээп үнген херелдер – Очур туткан Маадыр Бурганнар,

Сарыг-Шажын шугумун туткан, салгал дизии болган Ламалар

Аштыг-чемниг дүжүлгелерже чаларап кээп саадап кѳрүңер!

2) Чигжет, Суңдуй, Демчог, Дуюнкор – Төрениң дѳрт бай Идамнары.

Эрткен, амгы, келир үениң Буддалары, Бойду-Садылар

Аштыг-чемниг дүжүлгелерже чаларап кээп саадап кѳрүңер!

3) Пратьекалар, дыңнаар Шравактар, Эрес эрлер, Хандымаа кыстар,

Доскуулдуглар, камгалакчылар - Кысказы-биле Үш-Эртинениң

Хүрээлели болур шуптуңар, дѳрт чүктерниң сагыызыннары

Аштыг-чемниг олуттардыва чаларап кээп саадап кѳрүңер!

4) Биске ынак мерген-угаанныг, энерелдиг эң кол Буддалар,

Ада-Ие угу бурганнар, Күдээ-Келин болган овурлар,

Тайга-Таңды, чер-суг ээлери - ужур аайы-биле шуптуңар

Аштыг-чемниг олуттардыва чаларап кээп саадап кѳрүңер!

5) Очалаңның сагыызыннары, сес хевирниң аза-шулбузу,

Шаптараазын тургузуп чоруур өре-шире негээн аалчылар

Аштыг-чемниг олуттардыва чаларап кээп саадап кѳрүңер!

6) Очалаңда, чыргалаңда-даа чурттап чоруур амылыгларым,

Азып чорааш чедип келгени тояанчылар, чорумалдарым

Аъштыг-чемниг олуттардыва чаларап кээп саадап кѳрүңер!

7) ОМ. Хүндүткелдиг Үндезин Башкым! Меге эвес эң-не чугула

Буянныг Үш Эртинелерим, сагыызыннар, төрел-аймактар,

Чурттувуста бурганнарывыс, Оран-Таңды кожуун ээлери,

Алды янзы үүле ѳрезин негеп-сүрүп чоруур овурлар

Дѳгерези кѳстүп келгештиң олуттарын ээлеп саадапты.