Г. Хәлфетдинова һүҙ. Г.Ишҡыуатова муз.

⇐ ПредыдущаяСтр 3 из 4Следующая ⇒

Г. Хәлфетдинова һүҙ. Г.Ишҡыуатова муз.

1.Тауҙар, урмандар, 2.Бүре, айыуҙар, 3.Сыр-сыу турғайҙар,

Таҙа урамдар. Ялтыр балыҡтар. Наҙлыҡай елдәр.

Ҡояш-ямғырҙар, Ҡыҙҙар, малайҙар, Тәҙрә биҙәгән

Ҡарлы бурандар. Төрлө халыҡтар. Сәскәле гөлдәр.

Ҡушымта: Минең Ватаным был-

Тәрән тамырым.

Бәхетемде ситтә түгел,

Һиндә табырмын.

2 алып барыусы:Афарин, балалар! Ә хәҙер дүртенсе тажды өҙөп ҡарайыҡ әле. Бында Ҡурай сәскәһе бейеүен бейергә ҡушҡандар. Бейеп күрһәтәйекме?

Бейеү “Ҡурай сәскәһе”.

2 алып барыусы: Бик матур бейеү башҡарҙығыҙ, беҙгә бик оҡшаны.

1 алып барыусы: Бишенсе тажда ниндәй эш бирелгән икән, уҡып ҡарайыҡ әле. Ә бында Тыуған ил, тыуған ер тураһында мәҡәлдәр әйтергә кәрәк. Кемдәрегеҙ белә?

1 бала: Иле ныҡтың – биле ныҡ.

2 бала: Алтын-көмөш яуған ерҙән

Тыуған – үҫкән ил яҡшы.

3 бала: Тыуған ерҙең туҙаны ла ҡәҙерле.

4 бала: Ерен һатҡан – илен һатҡан.

5 бала: Ере байҙың - иле бай.

1 алып барыусы:Һай, афарин, балалар. Был эште лә атҡарып сығарҙығыҙ.

2 алып барыусы:Артабанғы алтынсытажды өҙөп алайыҡ әле. Унда башҡорт халыҡ уйыны «Тирмәкәйҙе” уйнап күрһәтергә ҡушҡандар.

Уйын “Тирмәкәй”. (Бишбармаҡ көйөнә).

2 алып барыусы:Афарин, балалар! Бик матур итеп уйнанығыҙ. Беҙ ҙә шулай бәләкәй сағыбыҙҙа уйнай торғайныҡ.

1 алып барыусы:Аҙаҡҡы етенсе тажды өҙөп уҡыйыҡ әле. Унда күмәк бейеү бейергә ҡушҡандар.

Парлы бейеү.

1 алып барыусы:Афарин,балалар! Бик матур бейенегеҙ.

2 алып барыусы:Бына серле һандыҡтың йоҙағы ла асылды. Унда нимә бар икән, асып ҡарайыҡ әле. Был бит ҡурай! Ҡурай – башҡорт халҡының милли музыка ҡоралы. Ул – үҫемлек, ерҙә үҫә. Ата-бабаларыбыҙ уға тишектәр тишеп, һыҙғырып көй сығарғандар. Әлеге ваҡытта ла ҡурай моңон бик яратып тынлайҙар, бейейҙәр. Әйҙәгеҙ әле, беҙ ҙә күмәкләшеп ҡурай моңона бейеп алайыҡ.

⇐ Предыдущая 1 234 Следующая ⇒