Статия третия.

⇐ ПредыдущаяСтр 3 из 3

Статия третия.

Ро́ди вси песнь человеколюбию Твоему́ прино́сят, Христе́ мой.

^132. При́зри на мя и поми́луй мя, по суду́ лю́бящих и́мя Твое́.

Свобождшеся тления страстию Твоею, Спасе, милосердие Твое воспеваем.

^133. Стопы́ моя́ напра́ви по словеси́ Твоему́, и да не облада́ет мно́ю вся́кое беззако́ние.

Моя иссуши слезы, Боже, наложив пластырь на раны души моея.

^134. Изба́ви мя от клеветы́ челове́ческия, и сохраню́ за́поведи Твоя́.

Гряди́ семо соборе святых, песни хвалебныя принесем Зиждителю.

^135. Лице́ Твое́ просвети́ на раба́ Твоего́, и научи́ мя оправда́нием Твои́м.

Я́ко человеколюбца Бога вси воспоем единеми усты.

^136. Исхо́дища водна́я изведо́сте о́чи мои́, поне́же не сохрани́х зако́на Твоего́.

Иже скорбей избавльшиися, воспеваем Тя, Живодавче Христе.

^137. Пра́веден еси́, Го́споди, и пра́ви суди́ Твои́.

Ихже посетил еси милостию, не остави до века, Христе.

^138. Запове́дал еси́ пра́вду, свиде́ния Твоя́, и и́стину зело́.

И́хже благословил еси утешением, радости вечныя сподоби, Боже мой.

^139. Иста́яла мя есть ре́вность Твоя́, я́ко забы́ша словеса́ Твоя́ врази́ мои́.

О величие и неизглаголанность человеколюбия Божия!

^140. Разжже́но сло́во Твое́ зело́, и раб Твой возлюби́ е́.

Я́коже апостол зову: Господь и Бог Ты еси, инаго бо разве Тебе не знаю.

^141. Юне́йший аз есмь и уничиже́н, оправда́ний Твои́х не забы́х.

Изба́вителя печалецй и скорбей воспеваю Бога моего.

^142. Пра́вда Твоя́ пра́вда во век, и зако́н Твой и́стина.

По Давиду научу беззаконныя путем Твоим.

^143. Ско́рби и ну́жди обрето́ша мя, за́поведи Твоя́ поуче́ние мое́.

Во словесех Твоих поучуся, не забуду заповедей Твоих.

^144. Пра́вда свиде́ния Твоя́ в век, вразуми́ мя и жив бу́ду.

Искапай мне нетления воду и уврачуй душу мою, Боже мой.

^145. Воззва́х всем се́рдцем мои́м, услы́ши мя, Го́споди, оправда́ния Твоя́ взыщу́.

Жизнода́вче Спа́се, сла́ва любви Твое́й, страх изгоняющей.

^146. Воззва́х Ти, спаси́ мя, и сохраню́ свиде́ния Твоя́.

Лежа́ща мя во гресех возставляеши, спасе, омывая и очищая струпы души моея.

^147. Предвари́х в безго́дии и воззва́х, на словеса́ Твоя́ упова́х.

О величия любве Христовы, како грешныя от погибели возставляет?

^148. Предвари́сте о́чи мои́ ко у́тру, поучи́тися словесе́м Твои́м.

Плачь мой на радость скоро преложи, Боже мой.

^149. Глас мой услы́ши, Го́споди, по ми́лости Твое́й, по судьбе́ Твое́й живи́ мя.

Женскою лестию запята Адама возставил еси в первое блаженство и мене, Спасе, от Твоего лица не отреваеши.

^150. Прибли́жишася гоня́щии мя беззако́нием, от зако́на же Твоего́ удали́шася.

Смерть души моея видети не хощеши, Бо́же мой, Боже́ственною си́лою Твое́ю укрепляеши мя.

^151. Близ еси́ Ты, Го́споди, и вси путие́ Твои́ и́стина.

Прельщение мое исправляеши, Боже, искушений избавляя мя.

^152. Испе́рва позна́х от свиде́ний Твои́х, я́ко во век основа́л я́ еси́.

Во царствии Твоем помяни мя, Господи, яко разбойник вопию.

^153. Виждь смире́ние мое́ и изми́ мя, я́ко зако́на Твоего́ не забы́х.

Волчцы́ и терния возращает ми земля, но Ты укрепи мя, Избавителю.

^154. Суди́ суд мой и изба́ви мя, словесе́ ра́ди Твоего́ живи́ мя.

Вси воспевают милость Твою, Сло́ве, Сы́не Бо́жий Всецарю́.

^155. Дале́че от гре́шник спасе́ние, я́ко оправда́ний Твои́х не взыска́ша.

В кла́денец истле́ния поврещися не благоволил еси ми, Боже мой.

^156. Щедро́ты Твоя́ мно́ги, Го́споди, по судьбе́ Твое́й живи́ мя.

Сы́не Бо́жий Всецарю́, Бо́же мой, Созда́телю мой, ка́ко любве Твоея причастник явлюся?

^157. Мно́зи изгоня́щии мя и стужа́ющии ми, от свиде́ний Твои́х не уклони́хся.

Ю́же воспевают Ангели, Матерь Твою, Спасе, величаем.

^158. Ви́дех неразумева́ющия и иста́ях, я́ко слове́с Твои́х не сохрани́ша.

Те́ло мое изнемогшее укрепляеши, Боже.

^159. Виждь, я́ко за́поведи Твоя́ возлюби́х, Го́споди, по ми́лости Твое́й живи́ мя.

Взыва́ю милосердию Твоему, Спасе, не остави мене.

^160. Нача́ло слове́с Твои́х и́стина, и во век вся судьбы́ пра́вды Твоея́.

Све́те о́чию мое́ю, Сладча́йший мой Господи! Ка́ко исцеляеши души моея раны?

^161. Кня́зи погна́ша мя ту́не, и от слове́с Твои́х убоя́ся се́рдце мое́.

Ада́ма и Е́ву Свободивый, свободи и мене от греха и страстей.

^162. Возра́дуюся аз о словесе́х Твои́х, я́ко обрета́яй коры́сть мно́гу.

Прославля́ю Твое́, Боже, кра́йнее благоутро́бие, его́же ра́ди мя ущедряеши.

^163. Непра́вду возненави́дех и омерзи́х, зако́н же Твой возлюби́х.

Отче Небесный, прости ми, якоже и аз простити тщуся.

^164. Седмери́цею днем хвали́х Тя, о судьба́х пра́вды Твоея́.

На кресте́ пригвозди́лся еси́, моя грехи омывая Кровию Твоею.

^165. Мир мног лю́бящим зако́н Твой, и несть им собла́зна.

Мир на землю принести пришел еси, Христе, егоже и нам ныне даруй.

^166. Ча́ях спасе́ния Твоего́, Го́споди, и за́поведи Твоя́ возлюби́х.

Воста́ни, Ще́дре, от про́пастей греха возставля́яй нас.

^167. Сохрани́ душа́ моя́ свиде́ния Твоя́, и возлюби́ я́ зело́.

Воскресни́, Боже, спаси мя, Господи.

^168. Сохрани́х за́поведи Твоя́ и свиде́ния Твоя́, я́ко вси путие́ мои́ пред Тобо́ю, Го́споди.

Потщи́ся воскре́снути, печаль разреша́я, Сло́ве, к Тебе прибегающих ныне.

^169. Да прибли́жится моле́ние мое́ пред Тя, Го́споди, по словеси́ Твоему́ вразуми́ мя.

Небе́сныя си́лы да возрадуются о человецех кающихся.

^170. Да вни́дет проше́ние мое́ пред Тя, Го́споди, по словеси́ Твоему́ изба́ви мя.

Любо́вию же и стра́хом Тебе пригающим, даждь прегреше́ний разреше́ние.

^171. Отры́гнут устне́ мои́ пе́ние, егда́ научи́ши мя оправда́нием Твои́м.

О великаго и стра́ннаго виде́ния, Бо́жий Сло́ве! Ка́ко грешники прощение приемлют?

^172. Провеща́ет язы́к мой словеса́ Твоя́, я́ко вся за́поведи Твоя́ пра́вда.

Носити Твой образ и мене невозбранно сподоби, Боже, Спасе мой.

^173. Да бу́дет рука́ Твоя́ е́же спасти́ мя, я́ко за́поведи Твоя́ изво́лих.

Пла́чу и рыдаю зол моих множества.

^174. Возжела́х спасе́ние Твое́, Го́споди, и зако́н Твой поуче́ние мое́ есть.

Умилосердися убо на мне, Боже, милости Твоя яви мне.

^175. Жива́ бу́дет душа́ моя́, и восхва́лит Тя, и судьбы́ Твоя́ помо́гут мне.

Излия́шася на мя щедроты Твоя, Боже, обильно, ихже сохранити мя сподоби.

^176. Заблуди́х я́ко овча́ поги́бшее, взыщи́ раба́ Твоего́, я́ко за́поведей Твои́х не забы́х.

Мир Це́ркви, лю́дем Твои́м спасе́ние да́руй благоутробием Твои́м.

Слава: О Тро́ице, Бо́же мой, О́тче, Сы́не и Ду́ше, поми́луй мир.

И ныне: Ви́дети Твоего́ Сы́на милосердие, Де́во, сподо́би Твоя́ рабы́.

⇐ Предыдущая 1 23