Главная

Контакты

Случайная статья

• Автоматизация
• Антропология
• Археология
• Архитектура
• Биология
• Ботаника
• Бухгалтерия
• Военная наука
• Генетика
• География
• Геология
• Демография
• Деревообработка
• Журналистика
• Зоология
• Изобретательство
• Информатика
• Искусство
• История
• Кинематография
• Компьютеризация
• Косметика
• Кулинария
• Культура
• Лексикология
• Лингвистика
• Литература
• Логика
• Маркетинг
• Математика
• Материаловедение
• Медицина
• Менеджмент
• Металлургия
• Метрология
• Механика
• Музыка
• Науковедение
• Образование
• Охрана Труда
• Педагогика
• Полиграфия
• Политология
• Право
• Предпринимательство
• Приборостроение
• Программирование
• Производство
• Промышленность
• Психология
• Радиосвязь
• Религия
• Риторика
• Социология
• Спорт
• Стандартизация
• Статистика
• Строительство
• Технологии
• Торговля
• Транспорт
• Фармакология
• Физика
• Физиология
• Философия
• Финансы
• Химия
• Хозяйство
• Черчение
• Экология
• Экономика
• Электроника
• Электротехника
• Энергетика

Благослови́м Отца́, и Сы́на, и Свята́го Ду́ха, Го́спода.

Благослови́м Отца́, и Сы́на, и Свята́го Ду́ха, Го́спода.

И ны́не и при́сно и во ве́ки веко́в, ами́нь.

Поем:

Хва́лим, благослови́м, покланя́емся Го́сподеви, пою́ще и превознося́ще во вся ве́ки.

Разреша́ет у́зы,/ и ороша́ет пла́мень,/ трисве́тлый Богонача́лия Образ:/ пою́т о́троцы,/ благослови́т же Еди́наго Спа́са и Вседе́теля,/ я́ко Благоде́теля// сотворе́нная вся́ческая тварь.

Пе́снь 9.

Ирмо́с:

Велича́й душе́ моя́,/ возне́сшагося от земли́ на не́бо, Христа́ Жизнода́вца.

Тя па́че ума́ и словесе́, Ма́терь Бо́жию,/ в ле́то Безле́тнаго неизрече́нно ро́ждшую,// ве́рнии, единому́дренно велича́ем.

Поем:

Велича́й душе́моя́,// возне́сшагося от земли́на не́бо, Христа́ Жизнода́вца.

Чтец:

Тебе́ Изба́вителя ми́ра Христа́ Бо́га,/ апо́столи ви́дяще Боже́ственно возвыша́ема,// со стра́хом игра́юще велича́ху.

Поем:

Велича́й душе́моя́,// возне́сшагося от земли́на не́бо, Христа́ Жизнода́вца.

Чтец:

Тебе́ Изба́вителя ми́ра Христа́ Бо́га,/ апо́столи ви́дяще Боже́ственно возвыша́ема,// со стра́хом игра́юще велича́ху.

Поем:

Велича́й душе́ моя́,// возне́сшагося от земли́ на не́бо, Христа́ Жизнода́вца.

Чтец:

Твою́ обожи́вшуюся плоть/ зря́ще Христе́, на высоте́ а́нгели,/ друг ко дру́гу глаго́лаху:// вои́стинну Сей есть Бог наш.

Поем:

Велича́й душе́ моя́,// возне́сшагося от земли́на не́бо, Христа́ Жизнода́вца.

Чтец:

Тебе́ безпло́тных чи́нове Христе́ Бо́же,/ на о́блацех взе́млема ви́дяще, взыва́ху:// сла́вы Царю́, врата́ возми́те.

Поем:

Велича́й душе́ моя́,// возне́сшагося от земли́на не́бо, Христа́ Жизнода́вца.

Чтец:

Тебе́ соше́дшаго да́же до после́дних земли́,/ и челове́ка спа́сшаго,// и восхожде́нием Твои́м возвы́сившаго, сего́ велича́ем.

Поем:

Велича́й душе́ моя́,// возне́сшагося от земли́на не́бо, Христа́ Жизнода́вца.

Чтец:

Ра́дуйся, Богоро́дице Ма́ти Христа́ Бо́га,/ Его́же родила́ еси́,/ днесь от земли́ возноси́ма// со апо́столы зря́щи, возвелича́ла еси́.

Поем:

Ангели восхожде́ние Влады́ки зря́ще, ужаса́хуся,// ка́ко со сла́вою взя́тся от земли́ на го́рняя.

Чтец:

О даро́в па́че постиже́ния!/ О та́инства стра́шнаго!/ Все́ми бо влады́чествуяй, от земли́ отходя́ к небе́сным,/ ученико́м посла́ Ду́ха Свята́го,/ просвети́вшаго сих смысл,// и о́гненны сотвори́вшаго благода́тию.

Поем:

Ангели восхожде́ние Влады́ки зря́ще, ужаса́хуся,// ка́ко со сла́вою взя́тся от земли́ на го́рняя.

Чтец:

Полцы́ учени́честии, Госпо́дь рече́, вы седи́те во Иерусали́ме,/ и Аз низпослю́ вам Уте́шителя друга́го,/ Отцу́ сопресто́льна, и Мне равноче́стна,// Его́же ви́дите взима́ема, и о́блаком све́тлым носи́ма.

Поем:

Ангели восхожде́ние Влады́ки зря́ще, ужаса́хуся,// ка́ко со сла́вою взя́тся от земли́ на го́рняя.

Чтец:

Взя́тся я́ве великоле́пие вы́ше небе́с, пло́тию обнища́вшаго,/ и соседе́нием Отца́ почте́ся естество́ на́ше отпа́дшее:/ торжеству́им, и согла́сно вси воскли́кнем,// и воспле́щим рука́ми ра́дующеся.

Поем:

Ангели восхожде́ние Влады́ки зря́ще, ужаса́хуся,// ка́ко со сла́вою взя́тся от земли́ на го́рняя.

Чтец:

Свет от Све́та возсия́вый, Всенепоро́чная, из Тебе́ возсия́,/ и че́рность безбо́жия всю разруши́,/ и в нощи́ спя́щих просвети́.// Сего́ ра́ди вси по до́лгу Тя во ве́ки при́сно ублажа́ем.

Поем:

Ангели восхожде́ние Влады́ки зря́ще, ужаса́хуся,// ка́ко со сла́вою взя́тся от земли́ на го́рняя.

Ра́дуйся Цари́це,/ Матероде́вственная сла́во:/ вся́ка бо удобообраща́тельная благоглаго́ливая уста́/ вити́йствовати не мо́гут,/ Тебе́ пе́ти досто́йно:/ низумева́ет же ум всяк, Твое́ Рождество́ разуме́ти.// Те́мже Тя согла́сно сла́вим

Чтец:

Светилен:

Ученико́м зря́щим Тя,/ возне́слся еси́ Христе́ ко Отцу́ соседя́,/ а́нгели предтеку́ще зовя́ху:/ возми́те врата́, возми́те,// Царь бо взы́де к нача́льному Све́ту сла́вы.

Стихиры на хвалитех:

Поем:

Всякое дыхание да хвалит Господа. Хвалите Господа с небес, / хвалите Его в вышних. / Тебе подобает песнь Богу.

Хвалите Его, вси Ангели Его, / хвалите Его, вся Силы Его. / Тебе подобает песнь Богу.

Чтец:

Ангельски и́же в ми́ре торжеству́им,/ на престо́ле сла́вы Бо́гу носи́мому,/ взыва́юще пе́ние:/ Свят еси́ Отче небе́сный,/ Соприсносу́щный Сло́ве,// Свят еси́ и Ду́ше Всесвяты́й.

Поем:

Ангельски и́же в ми́ре торжеству́им,/ на престо́ле сла́вы Бо́гу носи́мому,/ взыва́юще пе́ние:/ Свят еси́ Отче небе́сный,/ Соприсносу́щный Сло́ве,// Свят еси́ и Ду́ше Всесвяты́й.

Чтец:

Нача́льницы а́нгелов смотря́юще, Спа́се, восхожде́ния стра́нное,/ недоумева́хуся друг ко дру́гу:/ что виде́ние сие́?/ Челове́к у́бо зра́ком ви́димый,/ я́коже Бог, превы́ше небе́с// с пло́тию восхо́дит.

Поем:

Галиле́ане зря́ще Тя вознесе́нна,/ от Ма́сличныя горы́ с те́лом, Сло́ве,/ слы́шаху а́нгелов вопию́щим им:/ что стоите́ зря́ще?/ Сей прии́дет па́ки с пло́тию,// и́мже о́бразом ви́десте.

Чтец:

Сла́ва Отцу́и Сы́ну и Свято́му Ду́хуи ны́не и при́сно и во ве́ки веко́в. Ами́нь.

Поем:

Роди́лся еси́ я́ко Сам восхоте́л еси́,/ яви́лся еси́ я́ко Сам изво́лил еси́,/ пострада́л еси́ пло́тию Бо́же наш,/ из ме́ртвых воскре́сл еси́ попра́в смерть./ Возне́слся еси́ во сла́ве, вся́ческая исполня́яй,/ и посла́л еси́ нам Ду́ха Боже́ственнаго,// е́же воспева́ти и сла́вити Твое́Божество́.

Великое славословие:

Чтец: