Сла́ва, Тебе́, Бо́же наш, сла́ва Тебе́.

Сла́ва, Тебе́, Бо́же наш, сла́ва Тебе́.

Что червле́ны ри́зы пло́ти соедини́вшагося дебельству́,/ святи́и а́нгели Христа́ зря́ще веща́ху,// стра́сти честны́я Боже́ственныя нося́ща о́бразы.

Пресвята́я Богоро́дице, спаси́ нас.

Купину́ Тя неопали́мую, и го́ру,/ и ле́ствицу одушевле́нную, и дверь небе́сную// досто́йно сла́вим Мари́е сла́вная, правосла́вных похвало́.

Пресвята́я Богоро́дице, спаси́ нас.

Пое́м Отрокови́це зача́тие,/ пое́м Твое́ неизрече́нное рождество́,// и́мже изба́вихомся Чи́стая тли и озлобле́ния,/ и мра́чнаго а́дова затворе́ния.

Сла́ва Отцу́ и Сы́ну и Свято́му Ду́ху.

И ны́не и при́сно и во ве́ки веко́в. Ами́нь.

Поем:

Очище́ние нам Христе́/ и спасе́ние Влады́ко,/ возсия́л еси́ от Де́вы,/ да я́ко проро́ка/ от зве́ря морска́го пе́рсей Ио́ну,// от тли исхити́ши всего́ Ада́ма всеро́дна па́дшаго.

Чтец:

Кондак, глас 6:

Еже о нас испо́лнив смотре́ние,/ и я́же на земли́ соедини́в Небе́сным,/возне́слся еси́ во сла́ве, Христе́ Бо́же наш,/ ника́коже отлуча́яся,/ но пребыва́я неотсту́пный,/ и вопия́ лю́бящим Тя:// Аз есмь с ва́ми, и никто́же на вы.

Икос:

Яже земли́ на земли́ оста́вившии,/ я́же пе́пельная пе́рсти уступа́ющии, прииди́те воспря́нем,/ и на высоту́возведе́м о́чи и мы́сли,/ впери́м ви́ды, вку́пе и чу́вства, на небе́сная врата́ сме́ртнии,/ непщу́им бы́ти в Ма́сличной горе́,/ и взира́ти на Избавля́ющаго на о́блацех носи́ма./ Отону́ду бо Госпо́дь на небеса́ востече́,/ и та́мо даролюбе́зны да́ры раздая́ апо́столом Свои́м,/ уте́шив я́я́ко Оте́ц, и утверди́в я́,/ наста́вив я́ко сыно́в, и рече́к ним: не разлуча́юся вас,// Аз есмь с ва́ми, и никто́же на вы.

Пе́снь 7.

Ирмо́с:

Поем:

В пещи́ о́гненней/ песносло́вцы спасы́й о́троки,// благослове́н Бог оте́ц на́ших.

Чтец:

Сла́ва, Тебе́, Бо́же наш, сла́ва Тебе́.

На о́блацех све́та вознесы́йся, и спасы́й мир,// благослове́н Бог оте́ц на́ших.

⇐ Предыдущая 4 5 6 7 8910 11 12 13 Следующая ⇒