Саhанай yдэр» гэжэ hайндэр ехэ бэлдэлгэтэйшье hаа, зохид наадан байна

«Саhанай yдэр» гэжэ hайндэр ехэ бэлдэлгэтэйшье hаа, зохид наадан байна

Эгээл гоёнь гэхэдэ, бидэ бултааран «Саhанай yдэр» гэжэ ехэ гоё hайндэртэ тудажа, досоогоо ехэ бахархал тyрyyлээбди. Наhан соогоо тиимэ hайндэртэй ушараагyйгoo мyнoo ушаржа ехэтэ баясааб. Юуб гэхэдэ, энэ хэмжээ ябуулгын yедэ бyхы буряад зон ехэ hайханаар хубсалаад, годон гуталаа, элдэб yнгын малгай болон хyдэhэн дэгэлнyyдээ хэдэрээд, yмдooд, дуу шуугаа дуулалданад, ёохороо хатарнад.

Саhанай yдэртэ гэжэ саб сагаан саhаар юм гy, али ондоо юумээр гy даа, гоё hайхан моридуудые ба буряад зонуудые хэhэн байна. Тиигэhээр байтар жагсаал гэхэ гy, али парад боложо, бyхы тэндэхи нютагуудай зон тугуудые баряад намилзуулна, манайшье хyтэлбэрилэгшэ Норжомо Буряад оронойнгоо туг баhал барижа гараа.

Тэрэ ехэ Хитад гyрэндэ буряад зомнай oohэдынгoo ехэ удха шанартай hайндэрoo yнгэргэнэ. Ноёд hайд болон элдэб ороной аяншалагшад, журналистнууд буужа, кино-зурагуудые буулгана, харуулна. Нилээд болоhоной удаа эгээл тyрyyн 9 хула морид гарана, тэдэнэй удаа гоёогдоhон мянгаад моритой зон гаража, сошохоор зониие сошооhон байха юм. Дууhашагyй морид ябажал, ябажал байгаа. Тиигэhээр байтараа 100-аад гаран томо, yндэр гэгшын тэмээнyyд гаража, иимэ юумэ хараагyй зоной hонирхол татаhан байха юм.

Hyyлээрнь олон зоной хабаадалгатай ёохор нааданай болон дуу шуунай мyрысooнyyд yнгэргэгдэжэ эхилээ hэн. Бидэ яhалахан хараабди, сэдьхэлээ ханаажа баярлаабди.

Удангyй гэдэргээ бусаха сагнай боложо, харгыдаа гарахаяа тyхеэрбэбди. Хайлаараа бусабабди, hyниндoo энэ хотые неоново гэрэлнyyд носожо, гоёор гэрэлтyyлнэ. Hyниндoo город соо ехэ шууяатай болоно. Зочид буудалда ороходомнай, эдеэ хоолынь yнэтэй байгаа. Нэгэ yдэр мяхатай пельмеэн хэдэг yдэрынь тудажа, бидэ ехэтэ баярлаа hэмди.

Манда нэгэ зоноймнай урилгаар «Буряад» гэжэ мэдээжэ шyлэгэй автор эхэнэр ерэжэ, уулзалга yнгэргoo, хooрэлдooбди, дуулаhан гоё hайхан буряад дуунуудынь шагнажа баярлаабди.

Хирэ-хирэ болоод, Шэнэхээн ошожо, хужарлажа ерэхээр байна. Досоо ехэ уужам боложо, баяр тyрyyлнэ. Манай дунда нэгэ хyмнай «арбаад дахин Шэнэхээн ошоhон тухайгаа хooрoo», тэндэ нэгэ уулзаhан хyмнай зунай гэхэ гy, али 6-дахи hарада ерээ hаатнай, бyри гоё байха гэжэ уряа hэн. Мyнooшье болотороо Шэнэхээн ошоод бусаhандаа, нютагайнгаа бурхад эзэдтэ hайниие хyргэнэб, - гэжэ хэлээд, Сэсэгма Рабдановна хooрooгoo дyyргэбэ hэн.

Бато-Цырен ДУГАРОВ хooрэлдэбэ.

⇐ Предыдущая 12