Рацыянальнае спажыванне і экалагічны адбітак: старшакласнікі ў Гомелі прапанавалі ідэі для вырашэння глабальных экалагічных праблем

29 лютага ўГомеліадбыўсячацвёрты рэгіянальны крэатон для старшакласнікаў. Ён з’яўляецца часткай сацыяльна-адукацыйнага праекта «Першыя», які рэалізуецца кампаніяй А1 пры падтрымцы арганізатараў канферэнцыйTEDxMinsk. Каля 130 вучняў з Гомеля, Жлобіна, Бабруйска, Маладзечна, Крэва і Мінска сабраліся, каб абмеркаваць актуальныя пытанні ў сферы экалогіі.

Школьнікам дэманстравалі ролікі выступленняў вядомых у сферы экалогііспікераў, у тым ліку і прамову сусветнавядомай экаактывісткі Грэты Тунберг. Іх пракаментавалі эксперты – Ірына Ляніўка, каардынатар экалагічных праектаў Гомельскай абласной асацыяцыі дзяцей і моладзі, і Наста Захарэвіч, прадстаўніца«Зялёнага партала», блогерка і калумністка. Яны паставілі перад удзельнікамі крэатона пытанні для абмеркавання. Пасля гэтага старшакласнікі падзяліліся на каманды і пад кіраўніцтвам ментараў генерыравалі ідэі, а потым прэзентавалі свае прапановы перад аўдыторыяй.

Першае разгледжанае ўдзельнікамі пытанне: што можа зрабіць кожны з нас, каб зменшыць наступствы змянення клімату і мінімізаваць свой «экалагічны адбітак»? Падлеткі прапанавалі распаўсюдзіць сонечныя батарэі, пашырыць выкарыстоўванне экалагічнага транспарту – веласіпедаў, электробусаў, адкрыць пункты збору пластыка і прапагандаваць яго правільную ўтылізацыю. На думку ўдзельнікаў крэатона трэба як мага больш распавядаць грамадству пра неабходнасць раздзельнага збору смецця, а каб людзі бачылі вынік свайго несвядомага стаўлення да прыроды, ладзіць экскурсіі на сметнікіі забруджаныя выкідамі тэрыторыі.

Другая задача, якую паставілі перад ўдзельнікамі – прапанаваць ідэі, як кожны з нас можа перайсці да рацыянальнага спажывання. Школьнікі прапанавалі распрацаваць маштабную PR-кампанію «Скажы не пластыку! » і замяніць шматразовыя пакеты і посуд экалагічнай альтэрнатывай, а таксама з дзяцінства прывіваць культуру свядомага стаўлення да экалогіі. Старшакласнікі прапанавалі распрацаваць гаджэт, які кантралюе расход пітной вады, і мабільны дадатак для размяшчэння актуальнай інфармацыі аб узроўні забруджвання паветра ў буйных беларускіх гарадах.

Усе прапанаваныя старшакласнікамі ідэі разглядалі эксперты па экалогіі і прадстаўнікі кампаніі А1. Яны звярталі ўвагу на крэатыўнасць і навізну прапаноў, арыгінальнасць і нестандартнасць вырашэння пастаўленых пытанняў, рэалістычнасць задум і магчымасць іх увасаблення, а таксама паспяховасць прэзентацыі.

Каманды, якія прапанавалі самыя цікавыя ідэі, атрымалі падарункі, а ўсе выступоўцы – карысныя парады ды каментары ад экспертаў. Напрыканцы мерапрыемства журы вызначыла найлепшага прамоўцу крэатона. Ім стала Ангеліна Себік з Гомеля.

Тэматычныя крэатоны ўжо адбыліся ў Віцебску, Магілёве, Гродне і сабралі больш за сотню ўдзельнікаў кожны. Старшакласнікі абмяркоўвалі праекты ў музейнай справе, дызайне і архітэктуры, інклюзіі, сучасных тэхналогіях. Крэатон у Гомелі стаў апошнім ў навучальным этапе сацыяльна-адукацыйнага праекта “Першыя”.

«Першыя» – гэта рэспубліканскі конкурс ідэй, з дапамогай якіх можна змяніць навакольны свет, грамадства ці жыццё людзей да лепшага. Зараз ідзе апошні тыдзень зборазаявак. Да 8 сакавіка вучні 9-х, 10-х і 11-х класаў з усіх рэгіёнаў Беларусі яшчэ могуць прапанаваць сваю ідэю. Для гэтага патрэбна зарэгістравацца на сайце конкурсу www. generation. A1. by.

У фінале будуць адабраныя дзесяць старшакласнікаў. Кожны з іх атрымае прыз – iPhoneXs, а таксама пад кіраўніцтвам персанальнага ментара прадставіць сваю ідэю на маштабнай маладзёжнай канферэнцыіі TEDxYouth@Minsk.

Больш падрабязнай інфармацыі – на сайце www. generation. A1. by і ў суполцы праекта «Першыя».

Кантактная асоба:

ПавелСалаўёў, камунікацыйнае агенцтва ARSCommunications+375 29 649 52 53 | sp@ars. by