Святая благоверная Мария Царевна-Мученица

Святая благоверная Мария Царевна-Мученица

АКАФИСТ

Кондак 1

Избранней агнице Христовой, благоверней царевне российстей Марии, составим похвалу, яко кротко путем заповедей Христовых за Распятым Учителем последовавшей, и до смерти крестной верность Ему сохраньшей, и венец неизреченныя славы небесныя стяжавшей. Ты же, святая новомученице, сотвори молитву купно с родители и сродники твоими о спасении и благополучии всех, с верою, надеждою и любовию вопиющих ти сице:
Радуйся, прекрасная и непорочная невесто Христова, всеблаженная царевно Марие, о спасении душ наших молитвеннице предивная.

Икос 1

Ангельским житием и чистотою украшенная, радостию о Духе Святе была еси своим родителем, святая царевно Марие, яко от дней детства твоего до кончины мученическия твоея во всем житии твоем образ истиннныя и глубокия любве к Богу и ближним явила еси. Мы же, память твою свято чтуще, просим тя: направи нас на путь жития добродетельнаго и приими с любовию возносимыя ти похвалы сия:

Радуйся, благоверная и богоносная, в законе Господни непорочно ходившая.
Радуйся, житие твое на богоугождение непрестанное посвятившая.
Радуйся, искушения и скорби мужески терпевшая.
Радуйся, до смерти верность Господеви соблюдшая.
Радуйся, изнемогающым унынием утешение посылающая.
Радуйся, мрачныя облаки скорбей и тревог разгоняющая.
Радуйся, благодатная целительнице болезней телесных.
Радуйся, всеблагая ходатаице благ Небесных.
Радуйся, прекрасная и непорочная невесто Христова, всеблаженная царевно Марие, о спасении душ наших молитвеннице предивная.

12 3 4 5 Следующая ⇒