Акафист святому царю-искупителю Николаю II (покаянный)

Акафист святому царю-искупителю Николаю II (покаянный)

Кондак 1

Жертве Христовой в подобие, яко Агнец непорочный, волею, по Промыслу Божию, полагаешься во искупление греха измены народа Русскаго. Мужество в вере непоколебимо храняще, святый Царю Николае, грех крамолы чудовищной, нехристям в угоду, народом твоим содеянный простивый и будущаго ради Руси Святей, во исполнение воли Божией, восхождение на свою Голгофу совершивый.

Тем же, прославляя Бога Всемогущаго, подвигу Искупительному Своему, тебе Царю, последовати благоволившему, воспеваем ти:

Радуйся, святый Царю – искупителю Николае, Помазанниче Божий, жертвою искупительною твоею, Христа о воскресении Руси умоливый!

Икос 1

Яко Ангел, Богом посланный на землю, пред бурями апокалиптическими, святый Царю Николае, образ Государя Православнаго на все времена показал еси, жизнь свою за Христа и народ свой положил еси. Победою мученическою, не от мира сего, Богом ти данною, планы сатанинские воцарения мирового разрушил еси, тем ко Христу роду человечу путь сохранил еси. Сонмам же, новомучеников к венцам шествовати, во Царствие Небесное, путь открыл еси. Сего ради, яко скипетроносцу благочестивейшему велегласно приносим ти:

Радуйся, яко Дух Святый постави тя пасти люди Божия, яже Господь кровию Своею честною стяжа;

Радуйся, яко Русь и народ свой, любовию Христовой любил еси;

Радуйся, яко отец духовно, Царь же чувственно, людем русским был еси;

Радуйся, Владыко Богоутвержденный, яко диадимою царскою венча тя царствующих Царь;

Радуйся, яко твердое стяжал еси тщание к вере Христовой, возлюбил возлюбившаго тя Христа;

Радуйся, яко жизнею своею, правду Божию, люди своя хранити научал еси;

Радуйся, яко Богом предложенную чашу страданий, за грех измены народа своего, добровольно испил еси;

Радуйся, Христов угодниче, яко венцы сугубыя от Венцедавца приял еси.

12 3 4 5 6 7 Следующая ⇒