Молитва о русском воинстве.

Господи Боже Спасителю наш, Крепосте и Упование и Заступление наше, не помяни беззаконий и неправд людей Твоих, и не отвратися от нас гневом Своим, но в милости и щедротах Твоих возвесели сердца верных раб Твоих, и укрепи всех вождей и воинов наших силою Твоею; востани в помощь нашу и разруши лукавыя советы мыслящих нам злая; суди обидящия и побори борющия ны, и обрати нечестивую дерзость их в страх и бегство; да уведят вси языцы, яко Ты еси Бог наш и мы людие Твои, под державною Твоею всегда храними. Подаждь нам силу и крепость на одоление всех врагов наших, да Тя, Всесильного Помощника, непрестанно величаем. В пленении сущих свободи, а имже судил еси положити на брани души своя за веру, народ и Отечество, тем прости согрешения их и в День праведного воздаяния Твоего воздай венцы нетления. Ты бо еси Заступление, и Победа, и Спасение уповающим на Тя, и Тебе славу возсылаем, Отцу и Сыну и Святому Духу, ныне, и присно, и во веки веков. Аминь.

Мати Божия, сохрани под кровом Твоим христолюбивое воинство и державу Российскую, и Своим предстательством у Сына Своего, испроси нам победы на враги и супостаты наша. Подвигни, Владычице, Ангелы и Архангелы, лики же пророков, апостол и мученик, согласно умолити Сына Твоего и Бога, да избавит ны от всех вражеских наветов и нахождений, да Тя и Сына Твоего, Христа Бога нашего, непрестанно величаем. Аминь.