Характарыстыка. Студэнткі 5 курса факультэта беларускай і рускай філалогіі. дзённай формы навучання БДПУ імя М. Танка. Козіч Настассі Сяргееўны

Характарыстыка

Студэнткі 5 курса факультэта беларускай і рускай філалогіі

дзённай формы навучання БДПУ імя М. Танка

Козіч Настассі Сяргееўны

Студэнтка Козіч Настасся Сяргееўна праходзіла практыку ў гімназіі № 12 горада Мінска з 8 лістапада да 22 снежня 2012 года і праводзіла заняткі беларускай мовы і літаратуры ў 9 «Б» класе.

Падчас праходжання педагагічнай практыкі самастойна правяла 17 урокаў па беларускай мове і літаратуры на тэмы:

Ян Баршчэўскі. Апавяданні «Плачка», «Сын Буры» (заліковы ўрок, адзнака – 9);

Творчая работа. Напісанне сачынення-разважання па апавяданнях Я. Баршчэўскага;

Канстанцін Вераніцын. Паэма «Тарас на Парнасе»;

Тарас Шаўчэнка. Вершы «Думка», «Садок вішнёвы каля хаты»; паэма «Цары» (урывак) (заліковы ўрок, адзнака – 9);

Вінцэнт Дунін-Марцінкевіч. Камедыя «Пінская шляхта»;

Выкрыццё чыноўніцтва ў п’есе. Вобраз Кручкова (заліковы ўрок, адзнака – 8);

Духоўная абмежаванасць засцянковай шляхты ў камедыі «Пінская шляхта»;

Кастусь Каліноўскі. Газета «Мужыцкая праўда», № 2; верш «Марыська чарнаброва, галубка мая» (заліковы ўрок, адзнака – );

Францішак Багушэвіч. Прадмовы да зборнікаў «Дудка беларуская» і «Смык беларускі»;

Складаназалежныя сказы з даданай дапаўняльнай часткай, сродкі сувязі, знакі прыпынку;

Складаназалежныя сказы з даданымі акалічнаснымі часткамі месца, часу, умовы; сродкі сувязі, знакі прыпынку (заліковы ўрок, адзнака – 9);

Складаназалежныя сказы з даданымі акалiчнаснымі часткамі прычыны, мэты, уступальнымi і параўнальнымi часткамi; сродкi сувязi, знакi прыпынку;

Складаназалежныя сказы з даданымі акалічнаснымі часткамі спосабу дзеяння, меры і ступені; сродкі сувязі, знакі прыпынку;

Пераклад з рускай мовы на беларускую публіцыстычнага тэксту;

Складаназалежныя сказы з некалькімі даданымі часткамі. Складаназалежныя сказы з паслядоўным і сузалежным падпарадкаваннем.

Правярала вучнёўскія сшыткі па беларускай мове і літаратуры (правяраліся наступныя віды працаў: дамашнія і класныя работы, самастойныя класныя работы, пераклад, сачыненні-разважанні). На ўроках літаратуры актыўна выкарыстоўваліся мультымедыйныя сродкі (прэзентацыі, нарэзкі з фільмаў), сродкі нагляднасці (табліцы, партрэты).

Настасся Сяргееўна выкарыстоўвала на практыцы тэорыю методыкі выкладання беларускай мовы і літаратуры, курсу псіхалогіі і педагогікі.

У час практыкі студэнтка праявіла цікавасць да выкладчыцкай дзейнасці, адказна паставілася ў справе рыхтавання да заняткаў, улічвала індывідуальныя асаблівасці вучняў і класа ў цэлым. Назіраліся спробы наладзіць кантакт з аўдыторыяй. З праграмаю практыкі студэнтка справілася.

Настаўніца беларускай мовы і літаратуры – Мігранава Наталля Валер’еўна