БЛАЖЕННАЯ АНАСТАСИЯ (САЗАНОВА),

БЛАЖЕННАЯ АНАСТАСИЯ (САЗАНОВА),

ХРИСТА РАДИ ЮРОДИВАЯ,

СИДЯЩАЯ ТБИЛИССКАЯ

ПАМЯТЬ: 4 ЯНВАРЯ / 22 ДЕКАБРЯ (1886 - 1970)

ТРОПАРЬ, ГЛАС № 3:

Ксении блаженней была еси сестре по ревнованию, /

возлюбленнаго своего самоубиенна подвизем столпничества

искупила еси, / всем притекающим к тебе точиши исцеления многоразличныя, / блаженная мати Анастасие, // моли Христа Бога

спастися душам нашим.

КОНДАК, ГЛАС № 5:

Юродством, аки бисером драгим во Христе Иисусе светоносне

украшена еси, / смирением и любовию чрез плоды яблочныя всем подаеши исцеления многия и помощь изобильную, / блаженне мати Анастасие, // моли Христа Бога во еже спастися душам нашим.

ИКОС, ГЛАС № 8:

Стено была еси велиего смирения, / града Тбилиси и всея страны Иверския явилася еси предивное украшение, / клеветы и унижения кротце претерпевала еси, / юродства и столпничества деяньми души заблуждшия на Путь Христова исповедания славне возвращала еси, / блаженная мати Анастасие, // моли Христа Бога

о чтущих любовию святую память твою.

СТИХИРА, ГЛАС № 1

(КОЛЕНОПРЕКЛОНЕННАЯ):

Невеста Христова всесветлая, / дивная ходатаице о нас, грешных и заблуждших чадах Божьих, / блаженной Ксении сестро досточтимая, / земли Иверския красото и в добродетелях Евангельских достохвальное удобрение, / блаженная мати Анастасие, //

моли Христа Бога во еже спастися от погибели вечныя вовеки

душам нашим.

ПРИПЕВ НА МОЛЕБНЕ:

Блаженная мати Анастасие, моли Бога о нас!

ВЕЛИЧАНИЕ

Величаем тя, / блаженная мати Анастасие, / и чтим святую память твою, / ты бо молиши о нас Христа Бога нашего.

МОЛИТВА

О, преподобная и преблаженная мати Анастасие! Господь дал тебе в жизни сей насладиться Духом Святым, и душа твоя возлюбила Его. Молю убо тебя: помяни меня в тесноте и скорби

моей, и помоги мне.

Испроси у Господа Бога нашего мирови мир, Церкви Православней утверждение, священником заступление, монашествующих

подвигом добрым подвизатися удостой и от поношений огради,

супругам любовь и согласи низпосли, матерям детородящим скорое

подаждь разрешение, чадом послушание, обидимым терпение,

обидящим страх Божий, народ и страну нашу в мире и безмятежии сохрани, малодушным испроси терпение, болящим исцеление,

омраченным просвещение, отчаянным непостижимую надежду,

скорбящим утешение, путешествующим спутешествуй, не имущим

крова и пристанища буди покров и прибежище, враждующим нечаемое подаждь примирение и всем нам друг ко другу любовь,

умирающим благое извещение, от внезапныя смерти без покаяния

всех нас избави.

Помяни нас, мати блаженная, зле бедствующих в мире сем

и потопляемых бурею страстей, и умири нашу жизнь; отыми от нас вражду и неприязнь; научи нас любви и милосердию, защити нас

от всякаго навета вражия, яко да без порока пройдем путь жития сего и тако достигнем, ходатайством твоим, во Царство святых

и воспоем в радости спасения нашего всесвятое Имя

Отца, и Сына, и Святаго Духа, во веки веков. Аминь.

БЛАЖЕННАЯ МАТИ НАША АНАСТАСИЕ,

МОЛИ БОГА О НАС!