Эльмара МУСТАФА (г. Симферополь, Республика Крым, Россия)

Эльмара МУСТАФА (г. Симферополь, Республика Крым, Россия)

Номинация «Поэзия» (на крымскотатарском языке)

Подноминация «Для детей»

Эр бахтлы анада бар...

Эр бахтлы анада бар
Озь йылдызчыгъы.
Козьлерни къамаштыра
Онынъ ярыгъы.

Энъ дюльбер ве энъ азиз
Корюне юзю.
Чюнки шу гузель йылдыз -
Баланынъ озю.

Подноминация «Любовь»

Къанатларым

Узун, юкъусыз геджелер
Кёр куньлерни денъиштире.
Арзуларым — бу инджилер,
Безек узюльди... илише.

Сенсиз къанатларым сыныкъ,
Яваш-яваш ерге тюшем.
Буллюр эдим. Амма тыныкъ
Парчаларын арап юрем.

Баарьнинъ единджи куню
Кимге ашкъ иле бакъасынъ?
Мен бу дюньяда бир озюм
Козьяшым, неге акъасынъ?

Сенсиз кокке учалмайым,
Къанатларым багъланылгъан...
Янъы китап ачалмайым,
Къайда къысметим сакълангъан?

Фелегим йыкъылып кетти,
Бельгисизлик — яваш олюм.
Учурым четине етти
Первасыз, туманлы ёлум.

Сенсиз къанатларым сыныкъ,
Ерге тюшем. Ай, тут мени!
Куль олып кетер бу яныкъ
Эгер бир кунь тапсам сени!

Подноминация «Юмор»

Короновирус

Къавехане, кино ве Ашан,
Ишчигиме бара эдим.
Латте ичип, бургерлер ашап,
Меракълы яшай эдим.

Амма Ковид денильген мараз
Дюньяны къаплап алды.
Эр адам ве эр махлюкъ бираз
Бельгисиз алгъа къалды.

Телик, интернет, радио олсун
Хаберлери бир тюрлю.
Джан сыкъыджы, манасыз, ошлу -
Бам-башкъа олды омрюм:

Уйледен сонъ ашыкъмай турам,
къавечик чокътан къайнай.
«Эвде къал» хештег иле энди
бар тембеллигим къутрай.

Эки къатлы эвнинъ ерине
бешинджисини къурам.
Терек, кумес, къойнынъ янында
янъы селфилер япам.

Кебаблар ялмап юткъан сонъра
кене де юкълап алам.
Бу мараз даа бир ай олса,
домузгъа мен ошайджам!