Молитва святому. апостолу Петру. БЛАГОСЛОВЕНИЕ ХРАМА АПОСТОЛА . АНДРЕЯ ПЕРВОЗВАННОГО ГОРОДА ПЕРМИ.. В ПАМЯТЬ ОБ ОБРЕТЕНИИ ФУНДАМЕНТА. ДОМА АПОСТОЛОВ ПЕТРА И АНДРЕЯ ПЕРВОЗВАННОГО. В ВИФСАИДЕ 25 ОКТЯБРЯ 2021 ГОДА.

Молитва святому

апостолу Петру

О, святый Петре, великий

апостоле, самовидче и

сотаинниче Божий,

всемощною десницею

Учителя твоего приятый из вод волнующихся и крайняго потопления свобождшийся!

Не забуди и нас убогих, в тине греховней погрязших и

волнами житейскаго моря обуреваемых: подаждь нам твою руку крепкую, помози нам и удержи нас

от потопления во страстех, похотех, лжах и клеветах. Сотвори и ты с нами милость, тебе от Господа явленную,

да не в сомнении и маловерии изгибнем. Научи нас, учителю наш, проливати слезы покаяния, да плачем горько

о деяниих наших в веце сем.

И аще твоя слезы, в покаяние излиянныя, милостию Своею покры Господь

и Учитель твой, испроси и нам, со дерзновением апостольским, прощения

во гресе ежечаснаго. Град сей, ко святым стопам твоим поверженный, сохрани

и от прилучающихся козней лукавых врага спасения нашего огради; воздвигни твои преподобнии руце ко Господу за народ наш, да тихое и безмолвное житие поживем в веце сем до часа, в оньже имать призвати нас Владыка Господь,

наш Судия нелицеприятный. Ты же, о всехвальный апостоле,

не отвержи вопля нашего и стенания к тебе, но заступи нас пред Христом,

твоим Учителем, да непрестанно славим Его милосердие к нам,

со Отцем и Святым Духом, во веки веков. Аминь.

БЛАГОСЛОВЕНИЕ ХРАМА АПОСТОЛА

АНДРЕЯ ПЕРВОЗВАННОГО ГОРОДА ПЕРМИ.

В ПАМЯТЬ ОБ ОБРЕТЕНИИ ФУНДАМЕНТА

ДОМА АПОСТОЛОВ ПЕТРА И АНДРЕЯ ПЕРВОЗВАННОГО

В ВИФСАИДЕ 25 ОКТЯБРЯ 2021 ГОДА.