Радуйся, последних времен отче Василие Великий, за Русь православную мужественный воителю!

Радуйся, последних времен отче Василие Великий, за Русь православную мужественный воителю!

Кондак 2

В идя Господь в тебе верное чадо свое, избра тя от пелен младенческих на служение себе и чрез сродницу твою праведную старицу Пелагию Ракитинскую возвести - яко родися в сем роде пастырь словесных овец. Дивяся таковому Божию о тебе промышлению, поем Ему: Аллилуиа.

Икос 2

Р азум свыше приим, яко не подобает двум господем работати и Царствие Небесное земному богатству предпочитати, уклонился еси суетнаго мира все попечение на Господа возлагая, славу мирскую ни во что же вменяя и к Нему Единому очи свои устремляя. Молитвами преподобнаго Сергия, егоже от юности своея от всего сердца возлюбил еси, на служение Пресвятей Троице чудно поставлен был еси. Прославляя дивное твое призвание, взываем сице:

Радуйся на жатву духовную Господом посланный;

Радуйся праведной старицей избранником Божиим предугаданный;

Радуйся в рождестве твоем пастырем словесных овец прореченный;

Радуйся в видении Новым Василием Великим нареченный;

Радуйся славу мира сего презревый;

Радуйся сердце мудрое и доброе имевый;

Радуйся на служение по молитвам преподобнаго Сергия поставленный;

Радуйся его обитель часто посещавший;

Радуйся, последних времен отче Василие Великий, за Русь православную мужественный воителю!

Кондак 3

Сила Божественныя благодати сниде на тя, отче Василие, егда во иереа рукоположен был еси. Тогда добрый пастырь всея Земли Русския явился еси, научая всех верно служити Святей Троице и пети Ей: Аллилуиа.

Икос 3

И мея неусыпное попечение о спасении душ человеческих, небесной помощи чрез молитвы святой праведной Матроне Московской сподобился еси и в трудных борениях духа слово укрепления в книзе Кронштадскаго пастыря – праведнаго Иоанна, внезапу узрел еси – «яко молчанием Бог предается». На тернистый путь исповедничества с благословения Русских святых изшел еси и ревность по Бозе, пободну Илииной, воспламенил еси в себе. Мы же погибающии, на помощь твою уповая, взываем ти:

Радуйся безбоязненный веры исповедателю;

Радуйся на ниве Христовой ревностный делателю;

Радуйся достойный пресвитере, силою благодати Божией скоро всем помогавый;

Радуйся в подвизех монашеских и трудех исповеднических Василию Великому достойне подражавый;

Радуйся еретиков льстивых обличителю;

Радуйся от расколов и ересей наш охранителю;

Радуйся святых отец последователю;

Радуйся преданий их ничимже приступивый;

⇐ Предыдущая 123 4 5 6 7 8 9 Следующая ⇒