СОБОР СВЯТЫХ. ПЕРМСКОЙ ДУХОВНОЙ СЕМИНАРИИ. 1-ОЕ ВОСКРЕСЕНЬЕ ПОСЛЕ 24 / 11 НОЯБРЯ. ВЕЛИЧАНИЕ. МОЛИТВА

СОБОР СВЯТЫХ

ПЕРМСКОЙ ДУХОВНОЙ СЕМИНАРИИ

1-ОЕ ВОСКРЕСЕНЬЕ ПОСЛЕ 24 / 11 НОЯБРЯ

ТРОПАРЬ, ГЛАС № 3:

Днесь ликует земля Пермская, / прославляюще новомученицев

семинари своея, / святии ректоры священномученицы Николае, Пимене, Феофане, Матфее и Стефане, / кровьми своими семена Истины в чадех своих взрастивше, / темже и новомученицы,

зде учащиеся, молитвою, трудами и терпением страданий Царствие Небесное себе улучивше. // Тех предстательством, Долготерпеливе Господи, землю Пермскую в Православии сохрани до скончания века.

КОНДАК, ГЛАС № 5:

Светозарнии служителие Христовы, / святии ректоры священномученицы Николае, Пимене, Феофане, Матфее и Стефане, /

ярем Господень велие подъявше, / темже и новомученицы семинарии Пермския во Истине Божьей наставивше, / поучаще за нея смиренно пострадати. // Темже молим Вас присно, мы недостойнии: святии новомученицы семинарии Пермския, Владыку всех молите

да спасет души наша.

ИКОС, ГЛАС № 8:

Непобедимыя Веры Христовы цевницы, / Евангелия Его

достоблаженнии проповедницы, / святии ректоры священномученицы

Николае, Пимене, Феофане, Матфее и Стефане, / со всем честным сонмом новомученицев семинарии Пермския, // Христа Спаса молите

да спасет души наша.

ВЕЛИЧАНИЕ

Величаем вас, / святии новомученицы семинарии Пермския, /

и чтим честная труды и страдания ваша, / яже ко спасению ближняго и во имя Господне восприяли есте.

МОЛИТВА

О, светозарнии святии ректоры священномученицы Николае, Пимене, Феофане, Матфее и Стефане со всеми новомученики семинарии Пермския, дивнии заступницы наши!

Приимите сие малое моление нас, грешных и недостойных

чад Божьих, в покаянии со смиренномудрием пред образом вашим честным, вам приносимое!

Умолите Христа Жизнодавца даровати нам здравие духовное, душевное и телесное, счастье и ликование о Господе,

юным отроком и девицем, зде учащимся и труждающимся, даровати

во целомудрии и благочестии от соблазнов лютых соблюдение,

Словес Христовых в сердце своем семени изобильное произращение,

воспитателем и учащим в любве к воспитанникам и к служению благу их спасения души и телеси в жертвенном горении

на стяжании им добродетелей Божьих всецелое пребывание,

семинарии же духовныя Пермския быти делателями нивы Христовы

и цевницами Духа Пресвятаго!

О, святии новомученицы семинарии Пермския! Владыку всех молите да подаст нам наследие Царствия Небеснаго Своего,

идеже мы вкупе с вами и со всеми святыми земли Пермския

прославим имя Господне, Отца, и Сына, и Святаго Духа,

ныне и присно, и во веки веков. Аминь.

ВСЕ СВЯТИИ СЕМИНАРИИ ПЕРМСКИЯ,

МОЛИТЕ БОГА О НАС!