Преподобномучениче отче наш Платоне, моли Бога о нас!

Преподобномучениче отче наш Платоне, моли Бога о нас!

ВЕЛИЧАНИЕ

Величаем тя, / преподобномучениче отче наш Платоне, /

и чтим святую память твою, / ты бо еси имаше пред Господем

Славы неустанне с кротостию и любовию попечение, / о заблудших

во мраке бытия греховнаго, / немощных душах наших.

МОЛИТВА

О, преподобномучениче славный, возлюбленне и любезне

авво отче наш Платоне, веси Сыктывкарския и земли Чердыни Великия дерзновенне пред Господем предстателю и ходатаю!

Приими сие малое моление нас, грешных и недостойных

чад Божьих, во покаянии сердечнем и умилении велием, пред образом твоим честным, тебе приносимое.

Умоли Христа Бога нашего подати нам здравия духовнаго, душевнаго и телеснаго, кротости души с незлобием и братолюбием,

душевнаго спокойствия, стяжания даров Духа Святаго в скиниях

нетленных душ наших и бессмертных, аки же во Храме Живаго Господа Бога, Архипастырям земли Сыктывкарския и Перми Великия

отеческую любовь и заботу с попечением о народе Божьем сем,

научи нас, преподобномучениче отче наш Платоне, кровию твоею мученическою от адова пленения избавленных, ходити непрестанно

в Законе Господнем, и токами слез твоих молитвенных исцеляти

в людех всяку болезнь и всякую немощь, духовну, душевну и телесну, подаждь нам сладость избавления от страстей наших.

Властем и воинству земли Сыктывкарския и Пермския

имети жертвенный навык заботы и служения ближнему своему,

храму святителя Николая во селении Гайны Чердыни Великия,

на малой Отчизне земней твоей, восстати из небытия и осквернения,

стати подворием Троице-Стефанова Ульяновскаго мужского монастыря

веси Усть-Куломския, и служити местом спасения о Господе Живе,

Христе Иисусе, душ наших.

О, преподобномучениче отче наш Платоне! Буди наставниче благий и питателю сирым, немощным, вдовицем и убогим

во вся дни жития их земнаго, яко же да сподобимся мы вкупе

с тобою и со всеми святыми славити Имя Господне,

Отца, и Сына, и Святаго Духа, ныне и присно, и во веки веков.

Аминь.

Преподобномучениче отче наш Платоне, моли Бога о нас!